16:13, 05 - ناۋرىز 2016 | GMT +6
جانداربەك بۇلعاقوۆ. بەينامازعا
استانا. قازاقپارات - بەلگىلى ايتىسكەر اقىن، بىرنەشە رەسپۋبليكالىق ايتىستىڭ جۇلدەگەرى، «التىن دومبىرا» يەگەرى، 1991-جىلدىڭ 25-ساۋىرىندە دۇنيەگە كەلگەن.
جۇرگەنمەن دانا كەيپىندە،
اداسىپ ءالى كەلەسىڭ،
اسسالامۋعالەيكۋمگە،
سالەم دەپ جاۋاپ بەرەسىڭ.
نامازحان جاندى تىلدەيسىڭ،
تىيىلار استە كەزىڭ جوق.
ءبىر اۋىز ايات بىلمەيسىڭ،
ءدىن جايلى ءبىراق ءسوزىڭ كوپ.
توي بولسا تورگە شىعاسىڭ،
اسىڭدى جەيسىڭ تاڭداعان.
مەشىتكە جاقىن تۇراسىڭ،
الىسسىڭ ءبىراق اللادان.
انەكدوت ايتسا ساندىراق،
تىڭدايسىڭ ماز بوپ كۇلىسىپ.
ۋاعىز ايتىلسا ال ءبىراق،
قارايسىڭ شەكەڭ تىرىسىپ.
كۇمانمەن قاراپ كەلەسىڭ،
اللادان تۇسكەن حاتتارعا.
يمانداي ءبىراق سەنەسىڭ،
گازەتتەر جازعان اقپارعا.
تۋابە قىلاتىن شاماڭ بار،
بۇيىرسىن حاقتىڭ جۇماعى.
سەن جەك كورەتىن ادامدار،
سەن ءۇشىن دۇعا قىلادى.
