تامارا اسار پرەزيدەنتپەن كەزدەسۋدە نە ءۇشىن جىلاعانىن ايتتى
قازاقستان پرەزيدەنتى نۇرسۇلتان نازاربايەۆ 8- ناۋرىز قارساڭىندا ايەلدەرمەن «كوكتەم شۋاعى» اتتى ءداستۇرلى كەزدەسۋىندە ءتامسىل ايتىپ، ايەلدەر كوزىنە جاس الدى. ەلباسى انا جۇرەگى جايلى اڭگىمەلەگەن ەدى. وسىدان كەيىن الەۋمەتتىك جەلى قولدانۋشىلارى مەملەكەت باسشىسىنىڭ ايتقانى ايەلدەردىڭ جۇرەگىن نەسىمەن ەلجىرەتىپ جىبەردى دەستى.
كەيىن SNC Kazakhstan باس رەداكتورى، «ەل ارنا» تەلەارناسىنىڭ بۇرىنعى باسشىسى ايگۇل مۇكەي ءانشى تامارا اساردىڭ نە ءۇشىن جىلاعانىن ايتىپ بەردى.
«رەپوستتى ادەيى جاسادىم. مەنىڭ دوسىم، ادەتتەگىدەي نازىكتىكتى بايقادى - ؟؟؟؟ سۇراق؟ تاڭدانىس؟ اڭ-تاڭ بولۋ؟؟؟ دوسىم، سەرىگىم مەنىڭ، ءبىزدىڭ قۇربىمىز تامارانىڭ اناسى اۋىر ازاپتى باسىنان كەشكەن، ول قىزىنىكىنەن مىڭ ەسە اۋىر بولدى. ول ءتىرى قالىپ قانا قويماي، بالالارىن تامارانى باعىپ كۇتتى، ونى شىنىقتىرىپ، ودان ءارى مىقتى، باتىل، جاقسى بولا ءتۇستى. سەن تامارا انا دەگەن ءسوزدى ەستىگەندە قانداي سەزىمدە بولاتىنىن بىلەسىڭ دەپ ويلايمىن، ونىڭ ۇستىنە بۇل ءسوزدى ەلباسى ايتىپ وتىرسا. انا تۋرالى وسىلايشا جان تەبىرەنتىپ ايتقاندا مەن دە جىلايمىن، سەن دە جىلايسىڭ دەپ ويلايمىن...»، - دەپ جازدى مۇكەي Instagram پاراقشاسىنا.
ءانشىنىڭ ءوزى Tengrinews.kz تىلشىسىمەن اڭگىمەلەسۋ بارىسىندا كوز جاسىنىڭ شىن جۇرەكتەن شىققانىن ايتتى. «مەملەكەت باسشىسى ول اڭىزدى ايتا باستاعاندا، مەن سول اڭىزبەن وسكەن ەدىم. ونى تىڭداعان سايىن تولقيمىن. سەبەبى مەن ءۇشىن «انا» ءسوزى ەرەكشە. سوتسيۋمدا مەنى مىقتى دەپ ەسەپتەيدى، شىن مانىندە ول مىقتىلىق مەندە ەمەس، انامدا. ونىڭ مىقتى بولۋ سەبەبى ول مەنى عانا تۋعان جوق، ول مەنى عانا تاربيەلەگەن جوق. ول مەنى ناعىز ادام قىلىپ شىعاردى»، - دەدى ءانشى.
«ول قاراپايىم ادامنىڭ كوز جاسى ەدى. مەن ول جەردە جالعىز ءوزىم جىلاعان جوقپىن. 25 ايەل وتىردىق، ءبارى دە جىلادى. شىن مانىندە ول جەردە ەشقانداي ارتىستىك بولعان جوق. (...) ەگەر تالقىلاپ جاتقاندار بولسا، دەمەك ولار كوز جاستارىن سوتسيۋمنان جاسىرادى. ال مەن جاسىرا المايمىن. ال تالقىلاپ جاتقان ادامدار ولار مەنىڭ كوز جاسىما ازداپ قىزعانا قارايتىن شىعار. ول ءۇشىن الاڭداۋدىڭ قاجەتى جوق. مەنىڭ كوز جاسىم جۇرەكتەن شىقتى»، - دەدى تامارا اسار.
ونىڭ ايتۋىنشا، ايگۇل مۇكەي ونىڭ قۇربىسى. «مەن ونى شىعارماشىلىعى ءۇشىن جاقسى كورەمىن. ول مەن ءۇشىن جانكۇيەر بولدى جانە ول مەنى ول ادامداردان گورى جاقىن بىلەدى. ول مەنىڭ انام جايلى دا كوپ ەستىگەن بولاتىن. راسىندا دا، مەنىڭ انام وتە مىقتى ادام. ول قاراپايىم اۋىلدىڭ ايەلى، ماماندىعى پەداگوگ، ءبىراق قادىرى شەكسىز (...) ايگۇل جاي عانا مەنى قورعاعىسى كەلگەن شىعار»، - دەدى ءانشى.
ءانشىنىڭ ايتۋىنشا، ول الەۋمەتتىك جەلى ءۇشىن ۋاقىتىن جۇمسامايدى. «ول شىعارماشىلىققا كەدەرگى كەلتىرەدى. سۋرەت سالا باستاساڭ ساعان الدەبىر اقپاراتتى ايتادى، سونىمەن ءبىتتى. اكۆارەلىڭ ودان ءارى جۇرمەي قالادى. سوندىقتان شىعارماشىلىق ادامى ونداي تالقىلاۋعا ءاردايىم قاتىسا بەرمەۋى ءتيىس. مەن سوڭىنان ەستيمىن، ماعان كەشىرەك جەتەدى. بۇل قالىپتى جاعداي»، - دەدى تامارا اسار.
ءانشىنىڭ ايتۋىنشا، ونىڭ اناسى كونسەرتتەرىنە ءجيى كەلەدى جانە وتە قاراپايىم كيىنەدى، ءتىپتى قىزى ساحنادا تۇرعاندا دا كۇلىمدەمەيدى. «مەن اناما ايتامىن، اناشىم ولاي بولمايدى عوي، ءسىز و ك ز- دا (ورتالىق كونسەرت زالى - اۆت.)، كونسەرتتە وتىرسىز. ال انام ماعان «مەن سەن ءۇشىن دۇعا ەتەمىن، ال دۇعا قىلعاندا قالاي كيىنگەنىڭە نازار اۋدارۋدىڭ قاجەتى جوق» دەيدى. ول سىيىنىپ وتىرادى. ول ءبىز ءۇشىن ءومىر بويى 24 ساعات سىيىنادى، سوندىقتان ونىڭ سانگە، وسەككە، سوتسيۋمداعى تالقىلاۋعا ۋاقىتى جوق. ەلباسىمەن كەزدەسۋ كەزىندە دە مەن انامنىڭ قالاي دۇعا قىلىپ وتىرعانىن ەلەستەتتىم. اناما بىلاي دەدىم: «اناشىم، مەندە ءبارى جاقسى». سوندىقتان ءبارى دە جاقسى»، - دەدى تامارا اسار.