ۇزاق ءومىر سۇرۋگە كومەكتەسەتىن جەتى ەرەجە

نۇر- سۇلتان. قازاقپارات - دارىگەرلەردىڭ ايتۋى بويىنشا، ءاربىر ادام مىنا ەرەجەلەردى ورىنداسا، دەنساۋلىعىن ءبىرقالىپتا ۇستاي الادى.

ءبىرىنشى

سالاۋاتتى ءومىر سالتىن ۇستانۋ. فيزيكالىق جاتتىعۋ جاساماعان ادام ءومىرى 4 جىلعا قىسقارادى ەكەن. فيزيكالىق جاتتىعۋلارمەن اينالىسپايتىن ادامدار جۇرەك اۋرۋلارىنا شالدىعۋى ابدەن مۇمكىن.

ەكىنشى

حولەستەرين دەڭگەيىن ءبىلۋ جانە باقىلاپ وتىرۋ. قانداعى حولەستەرين مولشەرىنىڭ كوپ بولۋى ارتىق ماي جيناپ، ادامنىڭ قان تامىرلارىن بىتەپ، قان اينالىسىن باياۋلاتادى. سونىڭ اسەرىنەن ادام جۇرەك اۋرۋلارىنا شالدىعادى. سەبەبى جۇرەككە قان ءبىرقالىپتى بارمايدى.

ءۇشىنشى

دەنساۋلىققا پايدالى ديەتا ۇستانۋ. دۇرىس تاماقتانۋ ادام ءومىرىن ۇزارتۋدىڭ بىردەن- ءبىر كەپىلى. بۇل ەرەجەنى ۇستانۋدىڭ قيىندىعى دا جوق. دارىگەرلەردىڭ ايتۋى بويىنشا سالاۋاتتى ءومىر ءسۇرۋ ءۇشىن ادام جەمىستەر مەن كوكونىستەردى قولدانۋى كەرەك.

ءتورتىنشى

قان قىسىمىن ءبىلۋ جانە قاداعالاۋ. جوعارى قان قىسىمى ادام ومىرىنە قاۋىپتى.

بەسىنشى

سالماقتى ارتتىرماي قاداعالاۋ. ارتىق سالماق ءتۇرلى اۋرۋلارعا سەبەپ بولادى. سەمىزدىك نەمەسە ماي باسۋ ادام ءومىرىن 4 جىلعا ازايتادى.

التىنشى

قانت ديابەتىنە بايلانىستى قاۋىپتىڭ الدىن الۋ. قانت ديابەتى اۋرۋىمەن اۋىرعان كەزدە ادامنىڭ قان قىسىمى تەز كوتەرىلىپ، جۇرەك اۋرۋلارىنا الىپ كەلەدى.

جەتىنشى

تەمەكى شەكپەۋ. جىل سايىن ون مىڭعا جۋىق ادام تەمەكىنىڭ اسەرىنەن جاسىنا جەتپەي قايتىس بولادى، ال مىڭداعان ادام سولاردان كەيىن كوز جۇمادى. ادام تەمەكى تارتۋدى قويعاننان كەيىن ونىڭ جۇرەك سوعىسى قالپىنا كەلە باستايدى، دەپ جازادى massaget.kz.