كىر جۋعىش ماشيناسىنىڭ شىعۋ تاريحى
العاش قۇراستىرىلعان ماشينا ارنايى تۇتقا ارقىلى مەڭگەرىلگەن. ال، 1907 - جىلى موتور ارقىلى جۋاتىن كىر جۋعىش ماشيناسى ويلاپ تابىلدى.
1912- جىلدان باستاپ، بارلىق ۇيلەردە ەلەكترلى جۇيەدە جۇمىس ىستەيتىن كىر جۋعىش ماشينالارى قولدانىلعان. العاش ماشينالاردىڭ سىرتقى بولىگى اعاشتان جاسالعان. كەيىن ول بولىكتەر اليۋميني، مىرىش، جەز مەتالدارى ارقىلى قۇراستىرىلدى.
سونىمەن قاتار، 1961 - جىلدان باستاپ كىر جۋعىش ماشينانىڭ سىرتقى بولىگى تولىقتاي فارفورلى ەمالمەن قاپتالدى. بۇنداي ماشينالار سۋدىڭ كەز- كەلگەن تەمپەراتۋراسىنا، كىر جۋعىش ۇنتاقتىڭ اسەرىنە شىداعان. ماشينانىڭ بۇلعاۋىشى (مەشالكا) 1922 - جىلى ىسكە قوسىلدى. بۇلعاۋىش كىردى جوعارىدان استىعا قاراي جانە جان- جاققا قاراي اينالدىرعان.
ال، تولىق اۆتوماتاندىرىلعان كىر جۋعىش ماشيناسى 1937 - جىلى پايدا بولدى. كوبىنە ماشينالار 3-4 ك گ كىر جۋادى. ءار كىر جۋىلعان سايىن 150 ليتر سۋ كەتەدى.
سىعۋ رەجيمى ارقىلى جۇمىس جاسايتىن كىر جۋعىش ماشيناسى 1953 - جىلى ساۋداعا شىعارىلعان.
