+7 (701) 759 90 19
24 °С : نۇر-سۇلتان
20 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

مۇقاعاليدىڭ اقتىق ءسوزى

14 مامىر 19:25
:ءبولىسۋ
مۇقاعاليدىڭ اقتىق ءسوزى

نۇر- سۇلتان. قازاقپارات - اقيىق اقىن مۇقاعالي ماقاتايەۆتىڭ 85 جىلدىعىنا وراي جىر جۇيرىگىنىڭ جارى لاشىن ءازىمجانوۆانىڭ ەستەلىگىن نازارلارىڭىزعا ۇسىنعاندى ءجون كورىپ وتىرمىز.

***

مۇقاعالي جازۋشىلار وداعىن ءوز جىلى ۇياسىنداي، جىعىلسا سۇيەيتىن، قىسىلسا كومەكتەسەتىن تۋعان اعاسىنداي، كەڭ تىنىس الاتىن اق ورداسىنداي كوردى. جازۋشىلار وداعى ەسىنە تۇسسە، «وداققا بارامىن» دەپ، جازىپ وتىرعان ولەڭىن توقتاتىپ قويىپ، دەرەۋ جينالىپ شىعىپ كەتەتىن. ءسويتىپ، «وداعىم، وداعىم» دەپ ءوتتى مۇقاعالي. جازۋشىلار وداعىن مۇقاعاليداي سۇيگەن ادامدى كورمەدىم.

... مۇقاعالي كىرپىگى ارەڭ قيمىلداپ، ەمحانادا جاتىر. ابدەن ارىعان. سويلەۋگە دە شاماسى جوق. ءسويتىپ جاتىپ، بار كۇشىن جيناپ، سوڭعى رەت سوزگە كەلدى: «لاشىن، تاكسي اكەل، وداققا بارايىق... بالالارىم جاس ەدى... بىتپەگەن جۇمىستارىم بار ەدى...» - دەپ سىبىرلاپ ارەڭ- ارەڭ ايتىپ شىقتى.

مىنە، قاسىرەت دەگەن كوزىمە جاڭا كورىنىپ تۇر. «مۇقاعاليدى كورەتىن كوزىم قازىر سوقىر بولىپ قالساشى!» دەپ ەڭىرەپ تۇرمىن. ايتۋعا ءتىلىم جەتپەيدى ءدال مىنا سۇمدىق سۋرەتتى. مۇقاڭنىڭ ايتقانىن ەمدەۋشى دارىگەرگە ايتىپ ەدىم: «ءسىزدىڭ ەسىڭىز دۇرىس پا، مىناداي جاعدايمەن اۋرۋدى تاكسيمەن الىپ جۇرەمىن دەگەنىڭىز ناداندىق قوي، ودان دا جاقىندارىڭىز بولسا، حابارلاي بەرىڭىز» دەپ سوزىمەن، پەيىلىمەن ەمدەيتىن دارىگەرىم توبەمنەن قوس جۇدىرىقپەن ءبىر- اق سوعىپ، شالا ءولتىردى. سۇمىرەيىپ، ولىگىمدى سۇيرەپ ۇيگە جەتتىم. ەرتەسىندە ءتىلى مۇلدە جوق بولىپ قالدى دا، ءتۇن اۋعاندا قايتىس بولدى.. .

massaget.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات