قايتالانباس رەكوردتار
دەگەنمەن، بۇل كىتاپتىڭ ىشىندە اياق استىنان تۋعان جانە قايتالانبايتىن رەكوردتار بار.
تەد سەينت مارتين ەسىمدى ازامات عۇمىرىندا باسكەتبول ويىنىن ويناماعان. ءبىراق ونىڭ لاقتىرعان دوبى دالدىكپەن شەڭبەرگە وڭاي تۇسكەن. ول 1975 -جىلى گارولد ليەۆيتت ەسىمدى ازاماتتىڭ رەكوردىن جاڭارتپاق بولعان. ول دوپتى شەڭبەرگە 499 رەت ءدال تۇسىرگەن. ال تەد 739 رەت ءتۇسىرىپ، جاڭا رەكورد ورناتقان. 75 جاسىندا تەد ءوز رەكوردىن ءوزى جاڭارتتى: ول بۇل جولى دوپتى سەبەتكە 5221 رەت تۇسىرگەن.
روي سالليۆان امەريكالىق شەناندوا ۇلتتىق ساياباعىنىڭ قاراۋىلشىسى بولىپ قىزمەت اتقارعان. 1942-1977 -جىلدار ارالىعىندا بۇل ادامعا 7 رەت نايزاعاي تۇسكەن جانە بۇنى ساياباق دارىگەرلەرى راستاعان. سالليۆان بالا كەزدەن نايزاعايدى وزىنە تارتاتىنىن سەزگەن. سەبەبى، جانىنداعى ادامدارعا ەمەس، تەك وزىنە عانا تۇسەتىنىن بايقاعان. ءبىر كۇنى اكەسىمەن ءشوپ تاسىپ جۇرگەندە، نايزاعاي اكەسىنە ەمەس، بالا سالليۆانعا تۇسكەن ەكەن.
چارلز وسبورن 28 جاسىندا سالماعى 159 ك گ بولاتىن شوشقا ەتىن كوتەرىپ كەلە جاتىپ، قۇلاپ قالعان. ول ەشقانداي دەنە جاراقاتىن الماعان. الايدا وسى جاعدايدان كەيىن ول 68 جىل ىقىلىق اتىپ جۇرگەن. بۇل ونىڭ جەكە باسىنا اسەر ەتپەدى: ۇيلەنىپ، سەگىز بالانىڭ اكەسى اتانعان. 1990 -جىلى چارلز اياق استىنان ىقىلىقتان تىيىلعان. ءبىراق وسىنىڭ اسەرىنەن بە ەكەن، بىرنەشە ايدان كەيىن ول اسقازان اۋرۋىنان قايتقان. چارلز وسبورن 595 ميلليون رەت ىقىلىق اتقانى ەسەپتەلگەن ەكەن.
1916 -جىلى ستۋدەنتتىك Georgia Tech اتتى فۋتبول كومانداسى قارسىلاسى Cumberland كومانداسىن 222:0 ەسەبىمەن ويسىراتا ۇتقان ەكەن.
massaget.kz