+7 (701) 759 90 19 Лента
30 °С : نۇر-سۇلتان
33 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

بالقاش كولى تۋرالى ەرتەگى

1 اقپان 10:49
:ءبولىسۋ
بالقاش كولى تۋرالى ەرتەگى

استانا. قازاقپارات - ەرتە- ەرتە ەرتەدە بالقاش كولى جاعاسىندا قاراما- قارسى قالالار بولدى. كەرەمەت قالالاردىڭ ءبىرى - «بال» دەپ اتالدى، ەكىنشىسىنىڭ اتاۋى - قاش ەدى.

ەكى قالا تۇرعىندارى دا ءداستۇرلى قولونەرمەن اينالىستى. سۇڭگۋىش حالىق كولدەگى باقالشىقتاردان ءىنجۋ، مەرۋەرت الىپ، جاعاعا الىپ شىعاتىن ەدى.

كۇندەردىڭ كۇنىندە قۇرلىقتا تۇز تاۋسىلىپ قالدى، قاراپايىم حالىق تۇز جەتىسپەۋشىلىگىنەن جاپا شەكتى. سوندا قاش قالاسىنىڭ جۇرتى كول سۋىنان تۇز ءسۇزىپ الاتىن ارنايى ەلەك ويلاپ تاپتى. كۇنى- ءتۇنى تۇز ءسۇزىپ الۋمەن اينالىسىپ، ءىنجۋ تاستارىن تەرۋگە ۋاقىت تا قالمادى.

قالا كوركەيىپ، بايىدى. ءبىراق، ءبىر قيىنى، كولدەگى تۇز تەز تاۋسىلىپ، سۋ تۇشى بولىپ قالدى. قاش قالاسىنىڭ تۇرعىندارى بال قالاسى ودان دا باي، كورىكتى قالاعا اينالعانىن بايقادى. ونىڭ قۇپياسى مىنادا: مەرۋەرت تاسىن الاتىن قابىرشاقتار تەك تۇزدى سۋدا بولادى، قاش قالاسى جاعىنداعى سۋ تۇشى بولىپ كەتكەندىكتەن باعالى تاستار كولدىڭ كەلەسى جاعىنا جىلجىپ كەتكەن ەكەن.

بال قالاسىنىڭ حالقى قاش تۇرعىندارى نەمەن اينالىسىپ جۇرگەنىن ءبىلدى دە، تۇز تاۋسىلىپ قالار دەپ قورقتى، تۇز تاۋسىلسا ءىنجۋ تاستار دا بولمايدى. سول سەبەپتى ولار كورشى قالامەن كەلىسىپ، كولدى ەكىگە ءبولىپ الدى.

ۋاقىت وتە كەلە كولدىڭ قاش قالاسىنا تيەسىلى بولىگى مۇلدەم تۇشى بولىپ قالدى، تۇز تاۋسىلدى. ادامدار بۇل قالادان ۇدەرە كوشتى. كوپشىلىگى بال قالاسىنا قونىس اۋداردى. ول جاقتا سۋدى ەلەپ- ەكشەۋگە، تۇز الۋعا بولمايدى. كوشىپ بارعان حالىق تا مەرۋەرت ىزدەۋگە ءماجبۇر بولدى. بال ۇلكەن قالا ەدى، قاش قالاسىنىڭ تۇرعىندارى كەلىپ قونىستانعاسىن، ودان سايىن ۇلكەيە ءتۇستى. قالاداعى بارلىق ادام مەرۋەرت، ءىنجۋ جيناۋمەن اينالىستى.

تۇرعىندارى كوشىپ، تاستاپ كەتكەن قاش قالاسى قازىر جوق. قامالدارى قيراپ، جەل ۇشىرىپ كەتتى. ال بالقاش كولى سول قالپى جارتىسى اشى، جارتىسى تۇشى بولىپ قالدى.

massaget.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات