+7 (701) 759 90 19
15 °С : نۇر-سۇلتان
14 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

تانىم مەن قاعيدا

12 مامىر 19:27
:ءبولىسۋ
تانىم مەن قاعيدا

نۇر- سۇلتان. قازاقپارات. 1. ەگەر ءبىر توپتاعى ادامدار ءبىر ساتتە كۇلسە، وندا ءاربىرى تۇيسىكپەن ۇناتاتىن ادامىنا قارايدى. نەمەسە كىمدى وزىنە جاقىن ساناسا سوعان كوزىن سالادى.

2. كەيدە مۇقيات جاسايتىن جۇمىسقا كىرىسكەندە، جۇيكەڭىزگە سالماق تۇسەدى، وندايدا ساعىز شايناۋ كەرەك. الدە باسقا ءبىر زات شايناعان ءجون. بۇل تۇيسىك دەڭگەيىندە تىنىشتىققا باعىتتايتىن ءتاسىل. سەبەبى، ادام تاماقتانعان كەزدە جامان ويدان اۋلاق بولادى.

3. ەگەر ءبىر ادام سىزگە قاتتى اشۋلانسا، سابىر ساقتاساڭىز، ايتپەسە ول ادام ورشەلەنە تۇسەدى. ءبىراق ارتىنشا ءوزىنىڭ قىلىعىنا قاتتى وكىنەتىن بولادى.

4. ەگەر قويعان سۇراققا ادام تولىق جاۋاپ بەرمەسە، نەمەسە قاشقاقتاسا، قايتىپ سۇراماڭىز. ودان دا ۇندەمەي كوزىنە تىكە قاراساڭىز دا جەتكىلىكتى. جاۋاپ ءسىزدى قاناعاتتاندىرماعاندى ءتۇسىنىپ، ءسوزدى ءوزى جالعايدى.

5. ادامنىڭ بەت الپەتى تەك سەزىمنىڭ تابىن عانا كورسەتپەيدى. بەت الپەتكە قاراپ، سول سەزىم تۋىنداۋى دا ابدەن مۇمكىن. قارسى جاقتىڭ سەزىمى كوڭىلدى ءدوپ باسادى. ءوزىن باقىتتى سەزىنگىسى كەلەتىن ادامدار جادىراپ، كۇلىپ جۇرگەندەرى دۇرىس. كۇلىپ جۇرگەن ادامدارعا عاشىق بولۋ وڭاي.

6. سويلەسكەندە، حات الماسقان شاقتا «مەن ويلايمىن» نەمەسە «سولاي سياقتى» دەگەن جاتتاندى تىركەستەردى قولدانباعان دۇرىس. ول ونسىزدا بەلگىلى، ءبىراق وسى ءسوزدى ايتقان ادام وزىنە دەگەن سەنىمسىزدىگىن كورسەتىپ تۇرادى.

7. ماڭىزدى سۇحبات كەزىندە سۇراق قويۋشىمەن بۇرىننان كەلە جاتقان دوستىق بايلانىستىرادى دەپ ويلاڭىز. كەز كەلگەن جاعدايدا سەنىمدى بولۋعا ءوزىڭىزدىڭ ىشكى تىنىشتىعىڭىز سەبەپشى. سابىرلى قالپىڭىز سۇقباتتاسىڭىزعا تەز بەرىلەدى.

8. كەزدەيسوق كەزدەسۋگە رياسىز قۋانا بىلسەك، كەلەسى جولى سول ادام ءسىزدى كورگەندە بۇدان دا قاتتى قۋاناتىن بولادى.

9. ەگەر ادام كىشىگىرىم جاقسىلىق جاساسا، وندا ودان زورىن جاساي الماعانىن مويىنداعانى.

10. سۇقباتتاستىڭ اياعىن قويۋ ادەبىنە قاراپ ول تۋرالى كوپ نارسە ۇعىنۋعا بولادى. ەكى اياق كيىمى ەكى جاققا قاراپ تۇرسا، وندا بۇل ادام اڭگىمەنى تەزىرەك بىتىرگىسى كەلەتىنىن بىلدىرەدى.

11. كوپ ادامدار بەلگىلى ءبىر سەبەپپەن ءوزىن جينالىسقا سالاتىن ساتتەردى باستان كەشىرەدى. مۇنداي كەزدەردە سول ۇرىساتىن ادامنىڭ جانىنا وتىرعانى دۇرىس. ونىڭ اشۋى الىستاعىدان گورى قاتتى بولمايدى. ايتپاعىن الدەقايدا مايدا تىلمەن جەتكىزەدى.

12. كوپ ادام وزىڭە دەگەن سەنىمدىلىكتىڭ كۇش- قۋاتىن سەزىنە بەرمەيدى. ءوزىنىڭ سەنىمدى ەكەنىن كورسەتە بىلسە، كەز كەلگەن ادام ونىمەن جاقىن تانىسقىسى كەلىپ تۇرادى.

13. قىزمەت كورسەتۋ سالاسىندا جۇمىس ىستەيتىندەرگە جاقسى كەڭەس: ارقا تۇسىڭا اينا ءىلىپ قوي. ادامدار وزدەرىن الدەقايدا ادەپتى ۇستايتىن بولادى. ەشكىمگە اشۋلى كەيىپ ۇنامايتىنى انىق.

14. وتە پايدالى ادەت: تانىسقان ادامنىڭ كوز جانارىنىڭ ءتۇسىن بايقاپ، ايتا ءجۇرىڭىز. ول ادام ءوزى دە سەزبەستەن سىزگە دەگەن ءىلتيپاتى وسە باستايدى.

15. ءبىرىنشى كەزدەسۋگە شاقىرعاندا سەرىگىڭىزدى قىزىقتى جەرگە اپارعانىڭىز دۇرىس. ناتيجەسىندە جاعىمدى كوڭىل- كۇي وسى كەزدەسۋدى ەسكە ءتۇسىرىپ تۇراتىن بولادى.

اۋدارعان شىنار ءابىلدا



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات