بەكبولات تىلەۋحان ءماجىلىس دەپۋتاتتىعىنا ۇمىتكەرلەردىڭ تىزىمىنە ەندى
ءبىرى - قارجى ءمينيسترى باقىت سۇلتانوۆ بولسا، ەكىنشىسى - مادەنيەت جانە سپورت ءمينيسترى ارىستانبەك مۇحامەدي ۇلى.
سونداي-اق، ۇلتتىق سپورت تۇرلەرى قاۋىمداستىعىنىڭ پرەزيدەنتى بەكبولات تىلەۋحان، ۇلتتىق مۋزەي ديرەكتورى دارحان مىڭباي، «استانا ەكسپو-2017» ۇ ك پرەزيدەنتى احمەتجان ەسىموۆ، اكتەر نۇرلان ءالىمجانوۆ تا بۇل ءتىزىمنىڭ ىشىندە بار.
سەزد جۇمىسىنان كەيىن جۋرناليستەردىڭ سۇراعىن قىسقا قايىرا وتىرىپ، ەكى مينيستر پىكىرلەرىن ءبىلدىردى.
«ءماجىلىس دەپۋتاتتىعىنا وتەمىن بە، جوق پا، ونى پارتيالىق كەڭەس شەشەدى. ال پارتيالىق تىزىمگە ەنۋىم ەرەكشە قۇرمەت، ۇلكەن جاۋاپكەرشىلىك، قۋانىشتى جاعداي بولدى. پارتيالىق كەڭەس شەشسە، ارينە، كورە جاتارمىز»، - دەدى ا. مۇحامەدي ۇلى.
ال قارجى ءمينيسترى باقىت سۇلتانوۆ: «بۇل - پارتيالىقتاردىڭ ماعان دەگەن ۇلكەن سەنىمى. سوندىقتان، وسى سەنىمدى اقتاۋ - مەنىڭ باستى مىندەتىم»، - دەيدى.
ەستەرىڭىزگە سالا كەتەيىك، پارتيالىق تىزىمدە مينيسترلەر اراسىندا ارىستان مۇحامەدي ۇلى، باقىت سۇلتانوۆ، ال وبلىس اكىمدەرى اراسىندا تىزىمگە بەردىبەك ساپاربايەۆ، سەرگەي كۋلاگين، اليك ايداربايەۆ، اماندىق باتالوۆ، دانيال احمەتوۆتەر ەندى.
اۆتور: كەنجەكەي توقتامۇرات قىزى