قايرات نۇرتاس: دەپۋتات بولسام، ونەرگە قولداۋ كورسەتەمىن

None
None
استانا. قازاقپارات - بۇگىن «نۇر وتان» ساياسي پارتياسىنىڭ كەزەكتەن تىس XVII سەزىندە ءماجىلىس دەپۋتاتتىعىنا ۇمىتكەرلەردىڭ پارتيالىق ءتىزىمى بەكىتىلىپ، سول تىزىمگە ەنگەن ءانشى قايرات نۇرتاس سەزدەن كەيىن جۋرناليستەرمەن تاعى تىلدەستى.

«قاجەت بولسا مەن وعان (ءماجىلىس دەپۋتاتى بولۋعا - اگەنتتىك) دايىنمىن. نەگىزى، قازىر جاستارعا قولداۋ بار، جاستارعا كومەك بەرىلىپ جاتىر. مىنە، وسىنداي مۇمكىندىك بەرىپ وتىر. ءوزىم تالاي كەش بەردىم، قازاقستاننىڭ تۇكپىر-تۇكپىرىن ارالادىم، سوندىقتان اۋىلداردا، اۋدانداردا نە بولىپ جاتقانىن ءوز كوزىممەن كوردىم. سول اۋىلداردا قانشاما ونەر ادامداردى، تانىلا الماي جۇرگەن ازاماتتار بار، سولاردىڭ بارىنە قولداۋ كورسەتەمىن دەپ ويلايمىن. ونەر جولى - مەنىڭ بالالىق شاعىمداعى ارمانىم. مەن ونەردى ەشقاشان تاستامايمىن. ونەرگە جانارشىلىقپەن قارايمىن. مەن دەپۋتات بولسام، ونەر جولىنداعى باۋىرلارىما، ونەرگە كومەكتەسەمىن»، - دەدى سەزد جۇمىسى اياقتالعان سوڭ ءانشى.

ال سەزد جۇمىسىنىڭ الدىندا ول ءماجىلىس دەپۋتاتى اتانسا، ونەر مەن قازاق ءتىلىنىڭ ماسەلەسىن كوتەرىپ، اۋىلدى دامىتۋعا كوڭىل بولەتىنىن ايتقان ەدى. سونداي-اق، «سايلاۋدان ءوتىپ، دەپۋتات اتانىپ جاستام، ساحنادان كەتەمىن»، - دەگەن ەدى سەزد جۇمىسىنىڭ الدىندا ق. نۇرتاس.

ەستەرىڭىزگە سالا كەتەيىك، پارتيالىق ءتىزىم بويىنشا بەلگىلى بوكسشى گەننادي گولوۆكين مەن الەم جانە وليمپيادا چەمپيوندارى سەرىك ساپيەۆ، يليا يلين ەندى. سونىمەن قاتار، ەلىمىزدىڭ تانىمال انشىلەرى قايرات نۇرتاس پەن جانار دوعالوۆا، ايمان مۇساقوجايەۆالار ءوتتى. ءبىرقاتار مينيسترلەر مەن اكىمدەر، ۇلتتىق كومپانيا باسشىلارى دا پارتيالىق تىزىمگە ەنگەن.

ماسەلەن، مينيسترلەر اراسىندا ارىستان مۇحامەدي ۇلى، باقىت سۇلتانوۆ، ۇكىمەت باسشىسىنىڭ ورىنباسارى داريعا نازاربايەۆا، ق ر پرەزيدەنتى اكىمشىلىگىنىڭ باسشىسى نۇرلان نىعماتۋليندەر دە بار. وبلىس اكىمدەرى، سولاردىڭ ىشىندە بەردىبەك ساپاربايەۆ، سەرگەي كۋلاگين، اليك ايداربايەۆ، اماندىق باتالوۆ، دانيال احمەتوۆتەر ەندى. ۇلتتىق سپورت تۇرلەرى قاۋىمداستىعىنىڭ پرەزيدەنتى بەكبولات تىلەۋحان، ۇلتتىق مۋزەي ديرەكتورى دارحان مىڭباي، «استانا ەكسپو-2017» ۇ ك پرەزيدەنتى احمەتجان ەسىموۆ، اكتەر نۇرلان ءالىمجانوۆ تا بۇل ءتىزىمنىڭ ىشىندە بار بولىپ شىقتى.

اۆتور: كەنجەكەي توقتامۇرات قىزى

 

سوڭعى جاڭالىقتار