04:18, 27 - قاڭتار 2016 | GMT +6
ساراپشىلار ساياسي پارتيالارعا الەۋمەتتىك جەلىلەردى يگەرۋگە كەڭەس بەرۋدە
استانا. قازاقپارات - ساراپشىلار ق ر پارلامەنتى ءماجىلىسىنىڭ كەزەكتەن تىس سايلاۋى قارساڭىندا ساياسي پارتيالارعا الەۋمەتتىك جەلىلەردى يگەرۋگە كەڭەس بەرۋدە.
«ساياسي PR - سايلاۋالدى ناۋقاننىڭ ەڭ باستى قۇرالدارىنىڭ ءبىرى. ساياسي پارتيالارعا ونلاين- تەحنولوگيالاردى، ينتەرنەت- تەحنولوگيالاردى يگەرۋدى بەلسەندى جۇرگىزىپ، كراۋدسورسينگ ارقىلى، وزدەرىنىڭ سايلاۋالدى پلاتفورمالارىن قۇرۋلارى ءتيىس»، - دەپ اتاپ ءوتتى ەۋرازيا ۇلتتىق ۋنيۆەرسيتەتىنىڭ دوتسەنتى قانات اۋەسباي «پارلامەنتتىك سايلاۋ-2016: جاڭا ماقساتتار مەن مۇمكىندىكتەر» اتتى دوڭگەلەك ۇستەلدە.
ءوز كەزەگىندە ساياساتتانۋشى جارقىن ءجۇمادىلوۆ الەۋمەتتىك جەلىلەر جاڭا يدەيالاردى تالقىلاۋدىڭ، الەۋمەتتىك توپتاردىڭ مۇددەسىن العا جىلجىتۋدىڭ باستى قۇرالى بولا الادى دەپ ەسەپتەيدى.
اۆتور: جاسۇلان جولدىبايەۆ