ق ر ورتالىق سايلاۋ كوميسسياسىنىڭ سايلاۋشىلارعا ۇندەۋى

استانا. قازاقپارات - ق ر ورتالىق سايلاۋ كوميسسياسى سايلاۋشىلارعا ۇندەۋ جولدادى.

«قازاقپارات» ح ا ا قۇجاتتىڭ ءماتىنىن جاريالايدى.

قازاقستان رەسپۋبليكاسى ورتالىق سايلاۋ كوميسسياسىنىڭ

ۇندەۋى

2016 -جىلعى 20 -ناۋرىز

قازاقستان رەسپۋبليكاسى پارلامەنتى ءماجىلىسىنىڭ جانە ءماسليحاتتارىنىڭ دەپۋتاتتارىن سايلاۋ

قۇرمەتتى سايلاۋشىلار!

ءسىزدىڭ ناقتى سايلاۋ ۋچاسكەسىنىڭ اۋماعىنداعى تۇرعىلىقتى جەرىڭىز بويىنشا تىركەلۋىڭىز ءسىزدى سايلاۋشىلار تىزىمىنە ەنگىزۋ ءۇشىن نەگىز بولىپ تابىلادى. 27 -قاڭتاردان كەشىكتىرمەي، سايلاۋ ۋچاسكەلەرىنىڭ شەكارالارى جەرگىلىكتى بۇقارالىق اقپارات قۇرالدارىندا جاريالانادى.

ەگەر ءسىز ءوزىڭىزدىڭ تۇراقتى تىركەلگەن جەرىڭىزدەن تىس ەلدى مەكەندە بولساڭىز، ءسىز 18 -اقپاننان كەشىكتىرمەي، ۋاقىتشا بولاتىن جەرىڭىزدەگى اكىمدىككە سايلاۋ كۇنى ءوزىڭىز داۋىس بەرەتىن سايلاۋ ۋچاسكەسىنىڭ سايلاۋشىلار تىزىمىنە ءسىزدى ەنگىزۋ تۋرالى وتىنىشپەن جۇگىنۋگە قۇقىلىسىز.

ءوزىڭىزدىڭ ەلدى مەكەنىڭىزدەن تىسقارى جەرگە كەتەتىن جاعدايدا، ءسىز 4 -ناۋرىزدان باستاپ 19 -ناۋرىز كۇنگى ساعات 18:00 گە دەيىنگى كەزەڭدە داۋىس بەرۋ قۇقىعىن بەرەتىن ەسەپتەن شىعارۋ كۋالىگىن ءوزىڭىزدىڭ تىركەلگەن جەرىڭىز بويىنشا سايلاۋ ۋچاسكەسىندە الىپ، كەز كەلگەن سايلاۋ ۋچاسكەسىندە داۋىس بەرە الاسىز. ءبىر ەلدى مەكەننىڭ شەگىندە داۋىس بەرۋ ءۇشىن ەسەپتەن شىعارۋ كۋالىكتەرى بەرىلمەيدى.

4 -ناۋرىزدان باستاپ سىزگە ءوزىڭىزدىڭ سايلاۋ ۋچاسكەڭىزدەگى سايلاۋشىلار تىزىمىندە ءوزىڭىز تۋرالى دەرەكتەردىڭ دۇرىستىعىن تەكسەرۋ مۇمكىندىگى بەرىلەدى.

سايلاۋ ۋچاسكەلەرىندە داۋىس بەرۋ

ساعات 7:00 دەن 20:00 گە دەيىن جۇرگىزىلەدى

ەگەر سايلاۋ كۇنى ءسىز دەنساۋلىعىڭىزدىڭ جاعدايىنا نەمەسە وتباسىنىڭ سىرقات مۇشەسىن كۇتۋىڭىزگە بايلانىستى، سونداي-اق سايلاۋ ۋچاسكەسى قۇرىلماعان شالعايداعى جانە قاتىناسۋ قيىن اۋداندا بولعاندىقتان، سايلاۋ ۋچاسكەسىنە كەلە المايتىن بولساڭىز، ءسىز ۋچاسكەلىك سايلاۋ كوميسسياسىنا «ۇيدە» داۋىس بەرۋدى ۇيىمداستىرۋ تۋرالى ءوتىنىش جاساۋعا قۇقىلىسىز.

وتىنىشتەر 20 -ناۋرىز كۇنگى ساعات 12:00 گە دەيىن قابىلدانادى.

سىزدەردى سايلاۋ ۋچاسكەلەرىنە شاقىرامىز!