+7 (701) 759 90 19
+20 °С : نۇر-سۇلتان
+24 °С : الماتى
USD 427.22 EUR 519.71
RUB 5.78 CNY 66.52
جاڭالىقتار

دۇنيە ءجۇزىنىڭ ەڭ كۇشتى ادامى اتانعان وليمپيادا چەمپيونى سۇلتان راحمانوۆ قازاق پا؟

4 مامىر 15:45
:ءبولىسۋ
دۇنيە ءجۇزىنىڭ ەڭ كۇشتى ادامى اتانعان  وليمپيادا چەمپيونى سۇلتان راحمانوۆ قازاق پا؟

نۇر- سۇلتان. قازاقپارات - سۇلتان سابىر ۇلى راحمانوۆ اۋىر اتلەتيكادان ەڭ اۋىر سالماقتا ماسكەۋ وليمپياداسىنىڭ جەڭىمپازى (1980)، الەمنىڭ ەكى دۇركىن چەمپيونى (1979-1980)، ەكى مارتە الەم رەكوردشىسى، وتكەن عاسىردىڭ سەكسەنىنشى جىلدارى دۇنيە ءجۇزىنىڭ ەڭ كۇشتى ادامى رەتىندە گيننەستىڭ رەكوردتار كىتابىنا تىركەلدى.

ينتەرنەت دەرەگىنە سۇيەنسەك، سۇلتان راحمانوۆتىڭ اتالارى قازاق. سوۆەت وكىمەتىنىڭ قانقۇيلى ساياساتىنىڭ سالدارىنان ⅩⅩ عاسىردىڭ وتىزىنشى جىلدارىندا قاراقالپاقستان وزبەكستاننىڭ قۇرامىنا بەرىلىپ، وسى ولكەنى مەكەندەگەن قازاقتاردىڭ باسىم كوپشىلىگى كۇشپەن وزبەك بولىپ جازىلىپ كەتكەن. سۇلتاننىڭ اكەسى سابىردىڭ وزبەك اتالۋى وسىدان دەيدى ينتەرنەت كوزدەرى.


سۇلتان 1950 -جىلى قاراقالپاقستاننىڭ تورتكول دەگەن جەرىندە دۇنيەگە كەلىپتى. اكەسىنىڭ تەگى - قازاق، رۋى - قاڭلى بولسا، اناسى ۋكراين ۇلتىنان. بۇل كىسىلەر ەكىنشى دۇنيەجۇزىلىك سوعىس كەزىندە تانىسىپ، وتاۋ قۇرىپتى.

سۇلتان 1966 -جىلعا دەيىن تورتكولدە تۇرعان ەكەن. وسى جىلى اتا-اناسى ۋكراينانىڭ دنەپروپەتروۆسك قالاسىنا كوشىپتى. سول جاقتا سۇلتان ۋكراين قىزى گالينامەن كوڭىل جاراستىرىپ، ءبىرجولا قالىپ قويعان ەكەن. دەنە شىنىقتىرۋ تەحنيكۋمىنا وقۋعا تۇسكەن سۇلتان باۋىرى رۇستەممەن بىرگە سپورتقا دەن قويادى.

ك س ر و- نىڭ ەڭبەك سىڭىرگەن جاتتىقتىرۋشىسى ەدۋارد بروۆكو سىندى بىلىكتى باپكەردەن ءتالىم العان سۇلتان كەڭەس وداعىنىڭ 3 دۇركىن چەمپونى، 5 مارتە رەكوردشىسى اتانادى. 1976,1978 -جىلدارى بالتىق كۋبوگىندا جەكە- دارا شىقسا، 1978 -جىلى لاس- ۆەگاستا «الەم جۇلدىزدارىنىڭ كۋبوگىن» جەڭىپ الادى. 1979 -جىلى توكيودا وتكەن اۋىر سالماقتىلاردىڭ دۇنيەجۇزىلىك كۋبوگىندا راحمانوۆ قارسىلاس شاق كەلتىرمەي، جەڭىس تۇعىرىنا كوتەرىلەدى.

سۇلتان راحمانوۆ 1978 -جىلى الەم چەمپيوناتىنىڭ كۇمىس مەدالىن جەڭىپ السا، 1979 -جىلى الەم جانە ەۋروپا چەمپيونى اتاندى.

1980 -جىل راحمانوۆ ءۇشىن وتە ءساتتى بولدى. ول وسى جىلى داڭقتى ۆاسيلي الەكسەيەۆتىڭ وليمپيادالىق رەكوردىن قايتالاپ (قوسسايىستا 440 كەلى)، وليمپيادانىڭ التىن تۇعىرىنا كوتەرىلدى. وليمپيادانىڭ كۇمىس جۇلدەگەرى ءبىزدىڭ چەمپيوننان 30 كەلى كەم كوتەردى.

قادىرلى وقىرمان! ماسكەۋ وليمپياداسىندا جاقسىلىق ۇشكەمپىروۆ پەن ءشامىل سەرىكوۆ كۇرەستەن وليمپيادا چەمپيوندارى بولىپ، الاش جۇرتىنىڭ مەرەيىن وسىرسە، ەندى مىنە، اۋىر اتلەتيكادان ماسكەۋ وليمپياداسىنىڭ جەڭىمپازى سۇلتان راحمانوۆ قازاق ازاماتى دەگەن دەرەك ينتەرنەتتە جاريالانىپ وتىر. كۇش اتاسى قاجىمۇقاندى ومىرگە اكەلگەن قازاق حالقىنان سۇلتانداي الىپتىڭ شىعۋى زاڭدىلىق دەپ بىلەمىز. ايتسە دە، بۇل دەرەككە تولىق كوز جەتكىزىپ بارىپ، قالىڭ وقىرماننان ءسۇيىنشى سۇراعانىمىز دۇرىس بولار.

قىدىربەك رىسبەك ۇلى، سپورت جۋرناليسى

«قازاق سپورتى» گازەتى

( 2016 - جىل )



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات