ن. نازاربايەۆ كەزەكتەن تىس پارلامەنتتىك سايلاۋ وتكىزۋ جونىندە كەڭەس وتكىزدى

استانا. قازاقپارات - قازاقستان پرەزيدەنتى نۇرسۇلتان نازاربايەۆ پارلامەنت ءماجىلىسىنىڭ ءتوراعاسى قابيبوللا جاقىپوۆپەن جانە پرەمەر-مينيستر كارىم ماسىموۆپەن كونسۋلتاتسيا وتكىزدى. كەزدەسۋگە پرەزيدەنت اكىمشىلىگىنىڭ باسشىسى نۇرلان نىعماتۋلين دە قاتىستى.

مەملەكەت باسشىسى ءماجىلىس دەپۋتاتتارىنىڭ كەزەكتەن تىس پارلامەنتتىك سايلاۋ وتكىزۋ جونىندەگى باستاماسى بۇگىن ءتۇرلى پىكىرتالاس الاڭدارىندا، ساراپشىلار قوعامداستىعى مەن بۇقارالىق اقپارات قۇرالدارىندا قىزۋ تالقىلانىپ جاتقانىن اتاپ ءوتتى.

نۇرسۇلتان نازاربايەۆ كوپشىلىك اتالعان ۇسىنىستى قولدايتىنىن قوعامدىق پىكىردى ءبىلۋ ماقساتىندا جۇرگىزىلگەن ساۋالدامالاردان دا كورۋگە بولاتىنىنا نازار اۋداردى.

ءوز كەزەگىندە، ق. جاقىپوۆ مۇنداي شەشىمگە پارتيالاردىڭ سايلاۋشىلاردىڭ جاڭا سەنىم مانداتىن الۋ، اۋقىمدى قوعامدىق توپتاسۋ، سونىمەن بىرگە بارلىق دەڭگەيدەگى رەفورمالاردى جۇزەگە اسىرۋ ءۇشىن ءماجىلىس پەن ءماسليحاتتاردىڭ ءىس-قيمىلدارىن ۇندەستىرۋ قاجەتتىگى باستى سەبەپ بولعانىن ايتتى.