الەمدەگى ەڭ جولى بولعىش ادام كىم؟
العاش رەت ونىڭ ومىرىندەگى وقىس وقيعا 1962 - جىلى ورىن العان. سەلاك وتىرعان پويىز رەلستەن شىعىپ، بىرنەشە رەت اۋدارىلىپ سۋعا قۇلايدى. 17 ادام قازا تاپقان. سەلاك سىنعان قولىمەن جاعاعا ءجۇزىپ شىعىپ امان قالادى.
1963 - جىلى حورۆاتتىق مۇعالىم زاگرەب- ريەكا باعىتىنا ۇشاتىن ۇشاققا مىنەدى. اۋەدە ۇشاقتىڭ ەسىگى جۇلىنىپ، 19 ادام قازا تابادى. سەلاك جينالعان ءشوپتىڭ ۇستىنە قۇلاپ، بۇل جولى دا ولىمنەن امان قالادى.
1966 - جىلى ول وتىرعان اۆتوبۋس اپاتقا تۇسەدى. ءتورت ادام قايتىس بولعان قايعىلى جاعدايدا سەلاك جەڭىل جاراقاتپەن قۇتىلعان.
1970 - جىلى سەلاكتىڭ جۇرگىزىپ كەلە جاتقان كولىگى ورتەنەدى. كولىكتەن شىعىپ ءورتتى سوندىرمەكشى بولعاندا كولىگى جارىلادى. ءۇش جىلدان كەيىن كولىگى تاعى ورتەنىپ، سەلاك شاشسىز قالادى.
1995 - جىلى سەلاكتى اۆتوبۋس قاعادى. بۇل جولى دا ول تەك جەڭىل جاراقات الادى. ءبىر جىلدان كەيىن تاۋلى ايماقتا جۇك كولىگىمەن سوقتىعىسۋعا از قالعاندا، كولىگىنەن سەكىرىپ ۇلگەرىپ امان قالادى.
2003 - جىلى لوتورەيادان ميلليون دوللار ۇتىپ العان سەلاك ءوزىنىڭ جولى بولعىش ادام ەكەنىن تاعى ءبىر مارتە دالەلدەدى.
انار لەپەسوۆا