+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

بالا مىنەزىنىڭ قالىپتاسۋىنا اتا-انانىڭ ىقپالى

25 قاراشا 16:35
:ءبولىسۋ
بالا مىنەزىنىڭ قالىپتاسۋىنا اتا-انانىڭ ىقپالى

نۇر-سۇلتان. قازاقپارات - بالا ومىرگە كەلگەننەن باستاپ وسكەن ورتاسىنا قاراي اينالاسىندا بولىپ جاتقان ءار- ءتۇرلى قۇبىلىستاردى ءوز بويىنا سىڭىرەدى.

ءدال وسى شاقتا اتا- انالردىڭ بەرگەن تاربيەسىنىڭ ۇقساماۋىنا قاراي بالانىڭ ءار ءتۇرلى مىنەز- قۇلق نورمالارى قالىپتاسادى. مىسالى، بيلىك ايتقىش اتا- انالاردىڭ بالالارى كوبىنەسە بويسۇنعىش، سىپايى مىنەزدى بولىپ وسسە، شەكتەن تىس الاڭداعىش اتا- انالاردىڭ بالالارى كوبىنە اڭقاۋ، ىرىقسىز، قورقاق مىنەزدى بولىپ وسەدى ەكەن. سەبەبى نەدە؟

ءبىز كوبىندە بالالارىمىزدىڭ ءىس- ارەكەتىن باقىلاپ وتىرامىز دەپ جوقتان وزگەگە الاڭداپ، كوپ نارسەلەردەن شەكتەپ، ءوزىمىزدىڭ قالاۋىمىز بويىنشا ءجۇرۋىن باستى نازارعا الامىز. ءبىراق، ناتيجەسىندە بالا ءوز الىنشە شەشىم شىعارا المايتىن، ۇياڭ، جۇرەكسىز مىنەز قالىپتاستىرىپ الادى. سوسىن بالالارىمىزدى بىرەۋگە ەلىكتەگىش نەمەسە بىرەۋدەن جيىركەنۋ ارقىلى بۇيرىق رايدا تاربيەلەر بەرە باستايمىز. مىسالى "انانىڭ بالاسىن قاراشى، سەنىڭ ءجۇرىسىڭ مىناۋ" - دەگەن سياقتى سوزدەر بالانىڭ ەشقاشان ءوز ىسىنە كوڭىلى تولمايتىن، ۇنەمى باسقا بىرەۋگە ۇقساعىسى كەلەدى دە تۇراتىن نەمەسە باسقا بىرەۋدى جەك كورىپ تۇراتىن ءىشارلىق قاسيەتكە يتەرمەلەيدى.

ال، بالاسىن الپەشتەپ، ىرقىنا كونگىش اتا- انالاردىڭ بالالارى جاۋاپكەرشىلىكسىز، ءتارتىپسىز، سوقتىققىش، قىرسىق، جۇگەنسىز، اشۋشاڭ مىنەزدى بولىپ وسەدى. ويتكەنى، اتا- انا - بالا تاربيەسىندەگى باستى تۇلعا. اكە دە، شەشە دە بالالارىنىڭ جان دۇنيەسىنە ءۇڭىلىپ، مىنەز- قۇلقىنداعى ەرەكشەلىكتەردى جەتە ءبىلىپ، بالالارمەن اڭگىمەلەسكەندە ولاردىڭ پىكىرىمەن دە ساناسىۋمەن قاتار دۇرىس جولدى نۇسقاپ، كوپ ىرقىنا كونە بەرۋدەن ساقتانعان دۇرىس.

بالانىڭ ءتاتتى قىلىعىنا قىزىعىپ ىرقىنا كونە بەرگەن اتا-انا كەلەشەكتە بالا مىنەزىنە يە بولا الماي قالۋى مۇمكىن. وسىندايلاردىڭ كەسىرىنەن بۇگىنگى تاڭدا جاستار اراسىندا كوپتەگەن ۇلتىمىزدىڭ رۋحانياتىنا جات كەسىرلى ىستەر كوپتەپ تۋىلۋدا.

ۇنەمى تاۋەلسىز كوزقاراسپەن ءجۇرىپ- تۇراتىن، وزىندىك پرينتسيپتەرى بار ۇلكەندەر تاربيەلەگەن بالا ەركىن، اقكوڭىل، قايىرىمدى، ىقىلاستى، قوعامدىق بايلانىسقا شەبەر بولىپ وسەدى.

دايىنداعان توقتار جەتپىسباي

Namys.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات