+7 (701) 759 90 19
+20 °С : نۇر-سۇلتان
+24 °С : الماتى
USD 426.99 EUR 514.35
RUB 5.72 CNY 65.96
جاڭالىقتار

مايقى بيدەن قالعان ناقىل سوزدەر

12 ءساۋىر 18:27
:ءبولىسۋ
مايقى بيدەن قالعان ناقىل سوزدەر

نۇر- سۇلتان. قازاقپارات - «تۇگەل ءسوزدىڭ ءتۇبى ءبىر، ءتۇپ اتاسى مايقى ءبي» دەيتىن قاناتتى ءسوز ارقىلى اتادان بالاعا اتى جەتىپ كەلە جاتقان مايقى ءبي بابامىز ءتۇيىندى دانا ءسوزدىڭ دە، ءبي بىتكەننىڭ دە العاشقىسى بولسا كەرەك.

مايقى ءبي ايتىپتى دەيتىن، ەل ەسىندە ساقتالىپ، ماقال، ناقىلعا اينالىپ كەتكەن اتالى سوزدەردەن ادامگەرشىلىك، ار-نامىس، ەل بىرلىگىن ساقتاۋ سامالى ەسىپ تۇرادى. ونداي ويلى، سارى التىنداي سالماقتى سوزدەردىڭ كوبىسى ءوز تۇسىنداعى حاندارعا، ءبي، بەكتەرگە باعىشتاي ايتىلعانى دا اڭعارىلادى. سونداي ناقىلداردىڭ ەل اۋزىنان حاتقا تۇسكەنى مىنالار:

داۋىل بولماي جاۋىن بولماس،

داۋلى بولعان قاۋىم بولماس.

ەگىز ەشكى ساۋىن بولماس،

ەكى جالقاۋ اۋىل بولماس.

ءبي ەكەۋ بولسا، داۋ تورتەۋ بولادى.

ەستىگە ايتقان تۋرا ءسوز،

شىڭعا تىككەن تۋمەن تەڭ.

ەزگە ايتقان تۋرا ءسوز،

قۇمعا سىڭگەن سۋمەن تەڭ.

جامان ەركەك جار قادىرىن بىلمەس،

جايسىز ايەل ەر قادىرىن بىلمەس.

جالقاۋ ادام تەر قادىرىن بىلمەس،

جەتەسىز جىگىت ەل قادىرىن بىلمەس.

اسپان اشىق بولسا،

كۇن شۋاقتى بولادى.

حان ءادىل بولسا،

حالىق ىنتىماقتى بولادى.

حان - حالىقتىڭ قازىعى،

قاراشا - حاننىڭ ازىعى.

ۋازىرىنە سىرىن الدىرعان حان - قاقپانعا تۇسكەن اڭ.

حان بورىشى - جورىقتا تۋ كوتەرۋ.

سارباز بورىشى - تۋعا ەرىپ جان بەرۋ.

تاستا تامىر جوق، حاندا باۋىر جوق.

اقيىق قىران قارتايسا،

جاس جاعالتايدان تەپكى جەيدى.

حالقىڭدى بيلەمەستەن بۇرىن، ءوز ورداڭدى بيلەپ ال.

ورداڭدى جۇمعان جۇدىرىقتاي بەرىك ۇستاساڭ،

حالىق ەشقايدا قاشپايدى.

حان وزدىگىنەن ءولىم جازاسىن قولدانباسىن.

ءولىم جازاسىن شەشەتىن حالىقتىڭ ءوزى بولسىن.

حان قاراشاسىز بولماس،

داۋ اراشاسىز بولماس.

پاراقور بيگە ءىسىڭ تۇسپەسىن،

ساراڭ ۇيگە كىسىڭ تۇسپەسىن.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات