م. ماعاۋين: تەكسىزدەر مەن جەتەسىزدەردىڭ ۇلەس سالماعى ولشەۋسىز كوبەيدى
قۋدالاندى، تۇرمەگە جابىلدى، ايدالدى، كوزى قۇرتىلدى. اسىرەسە، سوۆەتتىك ⅩⅩ عاسىردا. الاش ازاماتتارىنان تۇگەل ايىرىلدىق. ءبارى دەرلىك تۇقىم- جۇراعاتسىز كەتتى. جوعارىدا كورىنگەن، اتاقتىلار عانا ەمەس. اۋىل مۇعالىمىنەن ەتى ءتىرى قاراپايىم شارۋاعا دەيىنگى ارالىقتاعى، ءوز بەتىمەن ويلاپ، ءوز ىرقىمەن جۇرە الاتىن، قورلىق، زورلىق، قىسپاق اتاۋلىنى جان- تانىمەن سەزىنەتىن، يماندى، مىنەزدى، ءوز باسى، ازىرشە، وسكەن ورتا، ءارقيلى جاعداي ناتيجەسىندە شەكتەۋلى ورىستە عانا قالعان، ءبىراق بولاشاقتا دەنى ءتۇزۋ، جاقسى تۇقىم بەرە الاتىن، ەل كولەمىندە بولماسا دا، اۋدان- اۋىل كولەمىندە كىسىلىگىن ساقتايتىن كەلەشەك نامىستى قازاقتاردىڭ اتا، اكەلەرى ورتا جولدان، نەمەسە كوكتەي قيىلدى.
بۇلارمەن قاتار جاساعان، كونبىس، مومىن، كەيىننەن، باسقا ءبىر، كوبىنە- كوپ ورتاقول شاڭىراقتاردا دۇنيەگە كەلگەن موجان- توپاي قاۋىم عالامات اشارشىلىققا ۇشىرادى، قىرعىن سوعىستى باستان وتكەردى، تىڭ يگەرۋ، جاپپاي جانىشتاۋ توپانىنىڭ استىندا قالدى - اقىر تۇبىندە ۇلت مۇددەسى تۇرىپتى، ادامدىق نامىستىڭ ءوزى تارك ەتىلىپ، كۇنكورىس، قارىنتوقتىعىن قامداۋ ءبىرىنشى ورىنعا شىقتى.
سونىمەن قاتار، بۇل كەزدە كىمنىڭ نانى ءجۇردى دەسەك... - داڭعوي بەلسەندى، راقىمسىز قىزىلجاعا، ادامشىلىق، ىزگىلىك اتاۋلىدان كەندە جالاقور مەن جاندايشاپ، قاتارداعى كەڭسە قىزمەتكەرىنەن قالالىق، وبلىستىق دەڭگەيگە دەيىنگى ارالىقتاعى، زاماننىڭ ىڭعايىن تاپقان ءمانساپقور باسشىلار مەن مەن كونبىس جالشىلار! سولاردىڭ ۇرپاعى ەسەلەپ، توقساۋسىز ءوسىپ- ءوندى، وقىپ- جەتتى، بارلىق جەردە بەرىك ورنىقتى. ءسويتىپ، ۇلتتىڭ تۇراقتى گەنوفوندىنداعى تەكسىزدەر مەن جەتەسىزدەردىڭ ۇلەس سالماعى ولشەۋسىز كوبەيدى، كەرەك دەسەڭىز، باسىم كوپشىلىلكەە اينالدى.
... بۇگىنگى ەل قامىن ويلايتىن ءبىرلى- جارىم الاش ازاماتتارىن اياقتان شالعان، توبەدەن ۇرعان، قايتكەن كۇندە وزدەرىنىڭ كۇيكى وي، تەرىس پيعىلدارىن كۇندەلىكتى باسپا سوزدەردەن - جوعارى بيلىككە دەيىنگى ارالىقتا توقتاۋسىز وتكىزىپ وتىرعان ۇلتسىزدىقتىڭ قۋات- كۇشى ەڭ الدىمەن وسىنداي جەتەسىزدىكتە جاتىر.
(ۇلتسىزدانۋ ۇرانى. «الاش» ، الماتى - 2004 ج. 57-ب)