جاڭبىر تۋرالى قىزىقتى دەرەكتەر

نۇر- سۇلتان. قازاقپارات- پورتۋگالدىقتار ەگەر جاڭبىر جاۋىپ تۇرسا، جۇمىسقا بارمايدى. ولار ءۇشىن بۇل سالماقتى سەبەپ. ەلدەگى شاعىن عانا پارا قالاسىندا جاڭبىر جاۋعانداعى ۋاقىتقا قاراپ، ساعات ۋاقىتىن تۇزەتۋگە بولادى. سەبەبى، بۇل قالادا جاۋىن كۇندە تەك ءبىر ۋاقىتتا جاۋادى.

جاڭبىردىڭ ءيىسى بولمايدى. بۇل ءيىستى سيانو جانە اكتينو باكتەريالار شىعارادى. ادامدار اراسىنداعى «جاڭبىردىڭ ءيىسى» تىركەسىنىڭ ەش نەگىزى جوق.

ۋگاندا مەملەكەتىندە نايزاعايلى جاۋىن جىلىنا 250 رەت جاۋادى. ەگەر ءسىز ءشول دالادا جۇرگەندە جاۋىن جاۋسا، ونى ءسىز سەزبەي دە قالاسىز. سەبەبى، جەردىڭ ىستىعىنان جاۋىن تامشىلارى جەرگە جەتپەي، كەۋىپ كەتەدى.

XVII عاسىردا ۇلى بريتانيا ۇكىمەتى «جاڭبىر تۋرالى زاڭ» قابىلداعان. زاڭناماعا ساي، ەگەر اۋا رايىن بولجاۋشى جاۋىن جاۋاتىنىن قاتە ايتسا، ونى دارعا اسقان. قاراپايىم جاڭبىردىڭ قىشقىلدىلىعى - ph=5,6. ەگەر بۇل سان تومەن بولسا، دەمەك ول جاڭبىر - قىشقىلدى.

ءۇندىستاندا الەمدەگى ەڭ جاۋىندى جەر سانالاتىن قالا بار. چەراپۋندجي قالاشىعىندا جىلىنا 26460 م م جاۋىن- شاشىن تۇسەدى. جەردىڭ شامامەن ءاربىر ءجۇز ميلليونىنشى تۇرعىنى جاۋىنعا قارسى اللەرگيادان زارداپ شەگەدى. ەڭ «اۋىر» بۇرشاق 1986 - جىلدىڭ كوكتەمىندە گوپالاندج قالاسىندا (بانگلادەش) ءتۇستى. ءبىر ءتۇيىر بۇرشاقتىڭ سالماعى ءبىر كەلىدەن اسقان. سول جىلعى بۇرشاقتان 92 ادام قازا تاپقان.