18:42, 07 - ءساۋىر 2021 | GMT +6
جومارتتىق ادام جاسىن ۇزارتادى
نۇر- سۇلتان. قازاقپارات - بريتان ۋنيۆەرسيتەتىنىڭ عالىمدارى جۇرگىزگەن زەرتتەۋلەرىنىڭ ناتيجەسىن ساراپتاي كەلە تاڭعاجايىپ شەشىمگە توقتالدى.
جومارتتىق تانىتىپ، جۇرتقا جاقسىلىق جاساعان جاننىڭ عۇمىرى ۇزاق بولاتىن كورىنەدى. سونداي- اق، بۇل ارەكەتتەر ولاردىڭ راك جانە جۇرەك اۋرۋلارىنان ساۋىعۋىنا دا سەپتىگىن تيگىزەدى دەيدى.
«بىرەۋگە جاقسىلىق جاساي وتىرىپ، ءسىز ءوزىڭىزدىڭ دەنساۋلىعىڭىز ءۇشىن وراسان پايدا كەلتىرەسىز» ، - دەيدى كليۆلەند قالاسىنداعى ەمحانا دارىگەرى مايكل ماككي.
بۇل تۇجىرىمدى كاليفورنيا جانە ميچيگان ۋنيۆەرسيتەتتەرىنىڭ زەرتتەۋشىلەرى دە راستاپ وتىر. ولاردىڭ زەرتتەۋ جۇمىستارىنا قاتىسقان ەگدە ادامداردىڭ ىشىندە ەرىكتىلەر ۇيىمىنا مۇشە جانداردىڭ الدەقايدا ۇزاق ءومىر سۇرەتىنى بايقالعان.
ال، شىعىس ۆيردجيني مەديتسينا مەكتەبىنىڭ پسيحاتريا بولىمشەسىنىڭ جەتەكشىسى ستيۆەن دويچ ءوزىنىڭ كۇيزەلىسپەن اۋىراتىن ەمدەلۋشىلەرىنە قايىرىمدىلىق جاساۋدى بۇيىراتىنىن ايتادى.