ايەلدەر تۋرالى ايتىلعان ايگىلى سوزدەر

نۇر- سۇلتان. قازاقپارات - حالىق دانالىعىندا «ەركەك - باس، ايەل - مويىن» دەگەن قادىرلى ءسوز بار. قازاق حالقى قاشاندا ايەل زاتىن قادىرلەپ، قۇرمەت تۇتقان. ولارعا قۇرمەت رەتىندە اسەرلى ولەڭدەر مەن اۋەزدى اندەر كوپتەپ جولداعان.

بۇگىن ءبىز سىزدەردىڭ نازارلارىڭىزعا ايەلدەر تۋرالى ايتىلعان قىزىقتى افوريزمدەردىڭ بىرنەشەۋىن الدارىڭىزعا ۇسىنباقپىز:

ىسكەر ايەل - جامان ەركەكتى ورتا، ورتاشا ەركەكتى - جاقسى، ال جاقسى ەركەكتى - جىندى قىلىپ جىبەرەدى.

قادىر مىرزا ءالي

ايەل بىتكەننىڭ ءبارى دە وزدەرىنەن سۇلۋىراق كورىنگەن ايەلگە جاۋ كەلەدى.

ع. مۇسىرەپوۆ

قازاق ايەلىن "جان جولداسىم" دەيدى. بۇل ۇلكەن ءسوز عوي. جانى مەن جانى ۇندەس، ويى، ارمانى ۇيلەس، ەگىز ادامبىز دەگەنى عوي.

ع. مۇسىرەپوۆ

جاقسى ايەل - ەرى ۇيالار ءىس قىلمايدى.

اباي

ايەل اشۋلانسا - جەڭىلەدى، ەركەلەسە - جەڭەدى.

اباي

ايەل ءۇشىن سۇلۋلىق اقىلدان گورى ماڭىزدىراق، ويتكەنى ەركەككە ويلانعاننان گورى قاراعان وڭايىراق.

مارلەن ديتريح

ايەل جەردەن شىققان جوق،

ول دا ەركەكتىڭ بالاسى.

ەرلەر كوكتەن تۇسكەن جوق،

ايەل - ونىڭ اناسى.

ا. تۇرماعامبەتوۆ

ايەلدەرگە كوز جاسى ارقىلى بار نارسەگە قول جەتكىزۋگە رۇقسات؛

ەركەكتەردى مىقتى ەتەتىن ايەلدەر؛

ايەلگە قالاي بىلدىرتپەي وپاسىزدىق جاساۋعا بولادى؟ ءسىز وسى سۇراقتى ويلاي باستاعانىڭىزدى، ايەلىڭىز الدەقاشان سەزىپ تۇرادى؛

ەگەر ايەلدىڭ جانىندا ونى نازىك ءارى ءالسىز جاسايتىن ەركەك بولماسا، ايەلدەر قۇبىجىققا اينالۋى مۇمكىن؛

♥♥♥

سىرىڭدى سوعان اشاسىڭ،

ءشولىڭدى سودان باساسىڭ.

ادامنىڭ كۇنى ايەلمەن،

ايەلدەر ماڭگى جاساسىن!!!

ءجۇرسىن ەرمان

massaget.kz