عالىمدار ومارتاشىلىقتىڭ قاشان پايدا بولعانىن انىقتادى

نۇر-سۇلتان. قازاقپارات - عالىمدار ادامداردىڭ ومارتاشىلىقپەن ءبىزدىڭ داۋىرىمىزگە دەيىن اينالىسا باستاعانىن بىلگەن.

ارالار كونە تيىندار مەن جارتاسقا سالىنعان سۋرەتتەردە بەينەلەنگەن.

الايدا بال مەن بالاۋىزدىڭ العاش رەت قاشان جينالعانى تۋرالى ناقتى ارحەولوگيالىق مالىمەتتەر بۇعان دەيىن تابىلماعان ەدى. سوڭعى زەرتتەۋلەر ادامدار بۇل كاسىپتى سوناۋ تاس عاسىردا يگەرگەنىن كورسەتتى، دەپ جازادى epochtimes.ru.

ومارتاشىلىقتىڭ جاسىن انىقتاۋ ءۇشىن، بريستول ۋنيۆەرسيتەتىنىڭ عالىمى ريچارد ەۆەرشەد باسقارعان حالىقارالىق عالىمدار توبى 6 مىڭعا جۋىق بالشىقتان جاسالعان زاتتاردىڭ سىنىقتارىن زەرتتەدى. ولاردىڭ جاسى 6-9 مىڭ جىلدى قۇراعان. ادامدار سول كەزدە كوشپەلى ءومىر سالتىنان وتىرىقشى ءومىر سالتىنا وتكەن. بۇيىمدار ەۋرازيا مەن سولتۇستىك افريكانىڭ 150 اۋدانىنان الىندى.

زەرتتەۋشىلەر ەجەلگى زامانعى ادامدار بالاۋىزدى جەبەلەر مەن نايزالاردى جابىستىرۋ، سونداي-اق ىدىسقا سۋ جۇقپايتىن قاسيەتتەر بەرۋ ءۇشىن پايدالانعانىن شامالاپ وتىر. ال بال بولسا، ولار ءۇشىن ءتاتتىنىڭ جالعىز كوزى بولعان.