+7 (701) 759 90 19
8 °С : نۇر-سۇلتان
5 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

تاربيەلى ادامنىڭ سەگىز سيپاتى

12 تامىز 16:03
:ءبولىسۋ
تاربيەلى ادامنىڭ سەگىز سيپاتى

نۇر-سۇلتان. قازاقپارات - ورىس حالقىنىڭ اڭگىمە شەبەرى انتون چەحوۆ ءوز اعاسىن تارتىپكە سالامىن دەپ ءبىراز ەڭبەكتەنىپ، كوپ ىزدەنگەن. ناتيجەسىندە مىناداي تۇجىرىم شىعارىپتى. تاربيەلى، كورگەندى ادامعا ءتان سەگىز بەلگى:

1. ولار ادامنىڭ جەكە باسىنا قۇرمەت تانىتادى. سول سەبەپتى كىممەن ارالاسقاندا دا ءوزىن جۇمساق، مادەنيەتتى، سىپايى ۇستايدى. تۇيمەدەيدى تۇيەدەي ەتپەي، ءار ىسكە بايىپپەن قارايدى. جاساعان جاقسىلىعىنىڭ قايتارىمىن كۇتپەيدى. بارلىعىنا تۇسىنىستىك تانىتادى.

2. ولار تەك سۇيكىمدى جانۋارلارعا عانا جاناشىرلىق تانىتىپ قويمايدى، كوزگە كورىنبەيتىن تىرشىلىك يەلەرىنە دە جانى اشيدى.

3. ولار وزگەلەردىڭ ارتىقشىلىقتارىن باعالايدى. قارىزدارىن قايتارادى.

4. ولاردىڭ جۇرەگى كىرشىكسىز اق. ورتتەن قالاي قورقسا، وتىرىكتەن سولاي قورقادى. ءتىپتى، ۇساق-تۇيەك ىستەردە دە جالعان ايتىپ جىبەرۋدى بىلمەيدى. ءبىر اۋىز ءسوز وتىرىك ايتسا، جالعان ەكەنىن كوزى ايتىپ تۇرادى. مىلجىڭداپ بوس سويلەمەيدى. الدەكىم سۇراق قويعان كەزدە عانا جاۋاپ بەرەدى. وزگەلەرگە قۇرمەتىن از سويلەپ، كوپ تىڭداۋمەن كورسەتەدى.

5. ولار بىرەۋدىڭ جۇيكەسىندە وينامايدى. «مەنى ەشكىم تۇسىنبەيدى!» دەگەن ءسوزدى ەشقاشان ايتپايدى.

6. ولار بوس ماقتانعا بوي ۇرمايدى. كەز كەلگەن كىسىمەن قاراپايىم قالىپتا سويلەسەدى.

7. ءوز بويىندا دارىنى بولسا، باعالايدى. ارى قاراي ەڭبەكتەنىپ، تالانتىن ۇشتايدى.

8. ولار ەرتەڭگى كۇنى بالالارىنا بەرەر تاربيەسى سوزبەن ەمەس، ىسپەن ۇلگى بولۋ ارقىلى سىڭىرىلەتىنىن تۇسىنەدى. سوندىقتان ءوزىن ەستەتيكالىق جانە وزگە دە تۇرعىدا تاربيەلەيدى.

massaget.kz



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات