+7 (701) 759 90 19
21 °С : نۇر-سۇلتان
23 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

اۋەزوۆ قولتاڭبالارى جاريالاندى

9 قاراشا 16:21
:ءبولىسۋ
اۋەزوۆ قولتاڭبالارى جاريالاندى

استانا. قازاقپارات - بۇل كىتاپ باسقا كىتاپتاردان ەرەكشە.

ەرەكشە بولاتىن سەبەبى - مۇندا مۇحاڭنىڭ پەرزەنتتەرىنە، جورا-جولداستارىنا، زامانداستارىنا، ارىپتەستەرىنە، قازاقتىڭ ءبىرتۋار تاريحي تۇلعالارىنا، قوعام قايراتكەرلەرىنە بەرگەن قولتاڭبالارى ءدال وسى كىتاپتا تۇڭعىش رەت جۇيەلەنىپ، زەرتتەلىپ، جاريالانىپ وتىر.

مۇحتار اۋەزوۆتىڭ جەكە كىتاپ قورىنان الىنعان قولتاڭبالار سۋرەتكەردىڭ شىعارماشىلىعى ءۇشىن عانا ەمەس، جالپى قازاق ادەبيەتى ءۇشىن دە قاجەت دۇنيە. ۇلتتىق ادەبيەتتانۋ عىلىمىندا تۇڭعىش رەت زەرتتەلىپ وتىرعان ەڭبەكتە اۆتوگرافتىڭ وزىندىك ءستيلى، ءتىلى، تاعدىرى، تاريحى بار ەرەكشە جانر ەكەنى جان- جاقتى تالدانادى. مونوگرافيالىق ەڭبەك ءۇش بولىمنەن تۇرادى. «اۆتوگراف» دەپ اتالاتىن ءبىرىنشى بولىمدە قولتاڭبا جانرىنىڭ انىقتامالارى، تاريحى مەن م. اۋەزوۆتىڭ جەكە كىتاپحاناسىنداعى قولتاڭبالارعا تالداۋ جاسالسا، «جۇرەكتەر جۇرەككە» دەگەن ەكىنشى بولىمدە م. اۋەزوۆتىڭ جۇرەك قالاۋىمەن ءوز تۋىندىلارىنا تۇسىرىلگەن قولتاڭبالاردىڭ فوتوكوشىرمەسى بەرىلگەن. «الەم تانىعان م. اۋەزوۆكە ۇسىنىلعان قولتاڭبالار» اتتى ءۇشىنشى بولىمدە جازۋشىعا ارنالعان اۆتوگرافتار جۇيەلەنىپ، فوتوكوشىرمەلەرى بەرىلىپتى.

جالپى، تاريحي تۇلعالاردىڭ قولتاڭبالارىن قادىرلەۋ بۇرىننان بار ءداستۇر. ماسەلەن، فرانسيادا اۆتوگرافتار عىلىمي ماقساتپەن جينالىپ، عىلىمي قۇجاتتاردا قاتتالعان ەكەن. كەيىنگى ۋاقىتتاردا دا بەلگىلى ءبىر تۇلعالاردىڭ قولتاڭبالارىن جيناۋ تازا كوللەكسيونەرلىك داعدىعا اينالىپ، باتىس جۇرتشىلىعىندا ۇلكەن قىزىعۋشىلىقتار تۋعىزىپتى.

ءتىپتى، ۋاقىت وتە كەلە تاريحي تۇلعالاردىڭ قولتاڭبالارى ساۋداعا ءتۇسىپ، ساتىلا دا باستايدى. قولتاڭبانىڭ ناقتى سول تۇلعاعا جاتاتىن-جاتپايتىنىن انىقتاپ، تالداۋ ءۇشىن فاكسيميليەنىڭ جيناقتارىن دا جاريالاۋدىڭ داستۇرگە ەنىپ جۇرگەنى سول ۋاقىت. ءتىپتى، قولتاڭبا جيناۋشى كوللەكسيونەرلەرگە ارناپ بىرنەشە باسپا ونىمدەرى ارنايى ماتەريالدار دا باسىپ تۇرعان. الەمدەگى ادەبيەتتانۋ عىلىمى پاريجدىڭ ۇلتتىق كىتاپحاناسى مەن لوندونداعى بريتان مۋزەيىندە قولتاڭبالاردىڭ ەڭ باي كوللەكسياسى جينالعانىن ايتادى.

الايدا، قازاق ادەبيەتى تاريحىندا جەكە شىعارماشىلىق تۇلعالاردىڭ كىتاپحاناسى، ونداعى اۆتوگرافتار الەمى ازىرگە ارنايى زەرتتەلە دە، جاريالانا دا قويعان جوق.

كىتاپ اۆتورى، فيلولوگيا عىلىمدارىنىڭ دوكتورى، پروفەسسور گۇلزيا پىراليەۆا: «قالامگەردىڭ وزىنە ۇسىنىلعان كىتاپ، جۋرنال، گازەتتەر، اۆتورەفەراتتار، سۋرەت، قۇتتىقتاۋ پاراقشالارى سەكىلدى كوڭىل بىلدىرەتىن بارلىق باسىلىم تۇرلەرىندە بار اۆتوگرافتار مۇراجايداعى كىتاپحانادا مولىنان كەزدەسەدى. ءبىز ەڭ مازمۇندى، ەلدى ەلەڭ ەتكىزەرلىك قىزىقتى ماتىندەردى جاريالاۋدى عانا ءجون سانادىق»، - دەيدى.

«قازاق ادەبيەتى»


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات