جولى بولعان ميلليونەر

نۇر- سۇلتان. قازاقپارات - مارك سۋكەربەرگتىڭ الەۋمەتتىك جەلىسى قازىرگى جەتىستىگىنە دەيىن ءارتۇرلى قيىندىقتارعا تاپ بولعان. سول كەزدە كومپانياعا ينۆەستيتسيا سالۋدان باس تارتقان بيزنەسمەندەر قازىر وكىنەتىنى راس.

سەبەبى وسىدان 17 جىل بۇرىن گارۆارد ۋنيۆەرسيتەتىنىڭ جاتاقحاناسىندا قۇرىلعان ينتەرنەت پلاتفورمانىڭ IPO- دان كەيىن 100 ميللياردتاعان ا ق ش دوللارىنا باعالاناتىنىن ەشكىم دە ويلاماعان. ال دەۆيد چو ەسىمدى امەريكالىق گراففيتي- سۋرەتشىنىڭ بۇل نارىق ويىنىندا جولى بولعان.

جوعارىدا ايتقانىمىزداي، Facebook كومپانياسىنىڭ نارىقتاعى قۇنى 100 ميللياردتاعان ا ق ش دوللارىنا باعالانادى. ناتيجەسىندە ونىڭ ءتىپتى ەڭ از كولەمدەگى اكسياسىن يەلەنگەندەردىڭ ءوزى دە ميلليونەر بولىپ شىعا كەلگەن. سولاردىڭ ءبىرى امەريكالىق سۋرەتشى دەۆيد چو بولاتىن.

كاليفورنيا شتاتىنىڭ قاراپايىم تۇرعىنى دەۆيد چو 2005-جىلى ەندى دامىپ كەلە جاتقان Facebook كومپانياسىنىڭ پالو-التوداعى كەڭسەسىنىڭ قابىرعاسىنا سۋرەت سالادى. سول كەزدەگى كومپانيانىڭ پرەزيدەنتى شون پاركەر ونىڭ ەڭبەك اقىسىنىڭ ورنىنا $1000 قۇنىنداعى كومپانيا اكسياسىن ۇسىنادى. سەبەبى كومپانيانىڭ قاراپايىم سۋرەتشىنىڭ اقىسىن تولەۋگە قارجىسى بولماعان. سۋرەتشى Facebook يدەياسىن اقىلعا قونىمسىز دەپ ساناسا دا، امالسىز اكسيانى الادى. ال 2015- جىلى ونىڭ اكسياسى 200 ميلليون ا ق ش دوللارىنا باعالانادى.

دەۆيد چو كومانداسى Facebook كومپانياسىنىڭ قازىرگى تاپسىرىستارىن دا ورىندايدى.

Facebook اكسياسى تاۋەكەلگە باس تىككەندەرگە تابىستىڭ كىلتى بولعانى بەلگىلى. U2 توبىنىڭ بونو ەسىمدى ءانشىسى Facebook ستارتاپىنا ءوزىنىڭ Elevation Partners اتتى ۆەنچۋرلى فيرماسىنىڭ اتىنان $120 ميلليون ا ق ش دوللارى كولەمىندە ينۆەستيتسيا قۇيادى. قازىرگى تاڭدا ونىڭ قۇندىلىعى بونونىڭ ۆەنچۋرلى كومپانياسىنىڭ باعاسىنان دا اسىپ تۇسكەن.

massaget.kz