ەكى كەدەي تۋرالى

نۇر- سۇلتان. قازاقپارات - كورشى ەكى كەدەي ءومىر سۇرەدى. ءبىر كۇنى سول ەلدىڭ پاتشاسى ەل ارالاۋعا شىعادى.

پاتشانى كورگەن ءبىرىنشى كەدەي: «ماعان تەك ءبىزدىڭ پاتشامىز عانا كومەكتەسە الادى!» دەپ ماقتاۋ سوزدەرىن ايتىپ جار سالادى. مۇنى ەستىگەن ەكىنشى كەدەي: «ادامعا تەك اللا عانا كومەكتەسە الادى» - دەپ ايعايلايدى.

پاتشا سارايىن كەلىپ ناننىڭ اراسىنا التىن قوسىپ ءپىسىرىپ، ونى ءوزىن ماقتاعان كەدەيگە اپارىپ بەرۋدى بۇيىرادى.

ارادا ءبىراز ۋاقىت وتكەن سوڭ پاتشا سول كەدەيدىڭ تاعى دا قايىر تىلەپ جۇرگەنىن كورەدى دە:

- سەن نەگە قايىر تىلەپ ءجۇرسىڭ؟ ساعان التىن قوسىلعان نان بەرمەپ پە ەدىم؟ - دەيدى.

سوندا كەدەي:

- ءيا، تاقسىر. ول ناندى العانىم راس. الايدا مەن ونىڭ اۋىر ەكەنىن كورىپ جاقسى پىسپەگەن ەكەن دەپ ويلاپ كورشىمە ساتىپ جىبەرگەن ەدىم، - دەپ جاۋاپ بەرەدى.