+7 (701) 759 90 19
+7 °С : نۇر-سۇلتان
+14 °С : الماتى
USD 430.26 EUR 515.32
RUB 5.61 CNY 65.99
جاڭالىقتار

ايەلدىڭ ەر ادامعا ۇنامايتىن ارەكەتتەرى

3 ناۋرىز 19:06
:ءبولىسۋ
ايەلدىڭ ەر ادامعا ۇنامايتىن ارەكەتتەرى

نۇر- سۇلتان. قازاقپارات - ەركەك پەن ايەل - ەكى بولەك جاراتىلىس، ەكى الەم. ايەل ادامنىڭ مازاسىن الىپ، ءتۇن ۇيقىسىنان ايىراتىن ماسەلەگە ەر ادام بەي- جاي قاراپ، ءمان بەرمەۋى مۇمكىن.

ءبىز، نازىك جاندىلار، ءاۋ باستان ءالسىز بولىپ جارالعانبىز. ال قانداي ارەكەتىمىز ەركەكتىڭ اشۋىنا تيەدى ەكەن؟

1. ءبىز سۇيىكتىمىزگە كۇنىنە مىڭ رەت قوڭىراۋ شالامىز. ەر ادام جۇمىستا بولسا دا، ونى جۇمىسىنان الاڭداتاتىنىمىزدى بىلسەك تە، تۇسىنگىمىز كەلمەيدى. قوڭىراۋ شالعاندا، تەلەفونىن كوتەرمەسە، اشۋعا بۋلىعىپ، سۇيىكتىمىزبەن ساناسۋدان باس تارتامىز. بۇل ءىسىمىزدى «وعان قامقورلىق تانىتىپ جاتىرمىن» دەپ اقتاپ العىمىز كەلەدى. وسى دۇرىس پا؟

2. قۇربىمىزبەن تەلەفون ارقىلى ساعاتتاپ سويلەسۋدى ۇناتامىز. سۇيىكتىمىز جانىمىزدا وتىرعاندا، قۇربىمىزبەن ءار نارسەنى ءبىر ايتىپ، تەلەفونمەن سويلەسەمىز. بۇل قىلىعىمىز ەر ادامدى رەنجىتەدى. ويتكەنى ەركەكتەر ۇنەمى نازاردا بولعاندى قاتتى جاقسى كورەدى.

3. ءبىز سۇيىكتىمىزدىڭ اتا-اناسىن، باۋىرلارى مەن دوستارىن اڭگىمە قىلىپ، كەرەك بولسا، كەمشىلىكتەرىن ايتۋدان دا تارتىنبايمىز. ادەتتە ەر ادام ۇزاق ۋاقىت بويى شىداپ، ۇساق-تۇيەك اڭگىمەگە ءمان بەرمەۋگە تىرىسادى. ءبىراق جانىنا جاقىن جاندار تۋرالى ايتقان ءسوزىمىز جۇرەگىنە اۋىر تيەتىنى ءسوزسىز. ەگەر ول ءبىزدىڭ اتا- انامىز تۋرالى جاعىمسىز پىكىر ايتسا شە؟

4. ءبىز كوپ جىلايمىز. باسىندا كوز جاسىمىز جىلت ەتكەندە جانى شىعىپ كەتە جازدايتىن ەركەك بارا- بارا ەتى ءولىپ، كەيىن ءتىپتى ءمان بەرمەيتىن كۇيگە جەتەدى. ويتكەنى جىلاي بەرسە، كوز جاسىنان دا ءمان قالمايدى. سوندىقتان «قارۋدى» ورنىمەن قولدانعان دۇرىس.

5. ونىڭ الدىندا كوپ ماقتانامىز. كەز كەلگەن جەتىستىگىمىز ءۇشىن كەۋدە كەرىپ، ەركەكتەن اسىپ تۇسكىمىز كەلەدى. اسىرەسە قازاق جىگىتتەرى ءجۇرىس- تۇرىسى تۋرالى ايتۋعا ساراڭ كەلەدى. ونى دا جۇمىسىندا ارىپتەستەرى ماقتاعان شىعار؟ كەز كەلگەن ءسوزدى ول ايەلىنە ايتىپ كەلە بەرمەيدى. سوندىقتان «مەن مىقتىمىن، مەن سەنەن گورى تابىستىمىن» دەپ ماقتانۋ ورىنسىز.

6. ونى بيلەگىمىز كەلەدى. «بىلاي ىستە، ولاي ىستەمە» دەپ تىكە ايتاتىنداي ول كىشكەنتاي بالا ەمەس. ءبىز سۇيىكتىمىزدى ۋايىمداعاندىقتان، كوبىنە وعان بۇيرىق بەرىپ تۇرعانىمىزدى دا بايقاماي قالامىز. كەز كەلگەن ءجونى ءتۇزۋ ەركەكتىڭ الدىنا قويعان ناقتى جوسپارى بولادى. ايەل ەركەكتى ەمەس، ەركەك ايەلدى ورگە سۇيرەۋى كەرەك.

7. ونىڭ اڭگىمەسىن تىڭداعىمىز كەلمەيدى. ءبىز ەر ادامعا كۇننىڭ قالاي وتكەنىن بۇگە- شىگەسىنە دەيىن ايتۋدى ۇناتامىز. ول ادەتتە ۇندەمەي تىڭدايدى. ال ەركەك ءوزىنىڭ اڭگىمەسىن ايتا باستاسا شە؟ مويىندايىقشى، كوبىنە جالىعىپ كەتىپ، تىڭداعىمىز دا كەلمەيدى. ونىڭ ورنىنا ءوزىمىز تۋرالى ايتقاندى جاقسى كورەمىز. بۇل ناعىز وزىمشىلدىك ەمەي، نەمەنە؟

«ماسساگەت»



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات