اياق كيىمنىڭ تەرىدەن جاسالعانىن قالاي بىلۋگە بولادى؟

نۇر- سۇلتان. قازاقپارات - اياق كيىم الۋدا تابيعي تەرىدەن جاسالعان ءتۇرىن تاڭداۋ كەرەك. ول ءارى ۇزاق شىدايدى ءارى قىمبات كورىنەدى.

تەرىدەن جاسالعان اياق كيىمدى اجىراتۋ مۇمكىن بە؟

1. اياق كيىمنىڭ ىشىندە سۋرەتى بار كىشىگىرىم قاعاز بولۋى مۇمكىن. تەرى، رومب نە توردىڭ سۋرەتى بولادى. تەرى - تابيعي تەرىدەن جاسالعان اياق كيىم ەكەنىن بىلدىرسە، رومب - جاساندى تەرىدەن، تور - ماتادان تىگىلگەنىن بىلدىرەدى. كەيدە ولاردىڭ ورنىنا تاڭبا، دوڭگەلەك سىندى ەرەكشە بەلگىلەر بولۋى مۇمكن. ولار دا تابيعي تەرى نە ماتادان تىگىلگەنىن بىلدىرەدى.

2. سۋرەتتەن گورى جازۋمەن بەلگىلەنەتىن اياق كيىمدەر ءجيى كەزدەسەدى. يتاليانىڭ تابيعي تەرىدەن جاسالعان اياق كيىمىندە «vera pelle»، اعىلشىندا «genuine leather»، نەمىسشەدە «echtleder»، ال فرانسۋز اياق كيىمىندە «cuir» دەگەن جازۋ بولادى.

3. اياق كيىمگە الاقانىڭىزدى قويىڭىز. ءبىراز ۋاقىتتان سوڭ تەرى قىزىپ، قولدى جىلىتا باستايدى. ال جاساندى تەرى ەش وزگەرىسكە ۇشىرامايدى. قولىڭىزدى العان سوڭ ىلعال ورىن قالسا، دەمەك اياق كيىم جاساندى تەرىدەن تىگىلگەن.

4. اياق كيىمگە ءبىر تامشى سۋ تامىزىپ كورىڭىز. تابيعي تەرى سۋدى بويىنا ءسىڭىرىپ السا، جاساندى تەرىدەن سۋ سىرعىپ كەتەدى.

5. وتتى پايدالانۋ. تابيعي تەرىدەن جاسالعان اياق كيىم ورتەنىپ كەتپەيدى. دەگەنمەن بۇل ءادىستى قولدانباعان ءجون. تەرىدەن تىگىلگەن اياق كيىم ورتەنبەگەنمەن، ءشىرىپ باستاۋى مۇمكىن.

massaget.kz