اعزاڭىزدى تازالايتىن تاعامدار

None
None
نۇر-سۇلتان. قازاقپارات - «دەنى ساۋ ادام - تابيعاتتىڭ ەڭ قىمبات جەمىسى»، - دەيدى دانا حالقىمىز. الايدا باۋىرىمىز ءبۇتىن، باسىمىز امان بولۋ ءۇشىن سالاۋاتتى ءومىر سالتىن ۇستانىپ، دۇرىس تاماقتانۋىمىز قاجەت.

ءبىز بۇگىن سىزدەرگە اعزاداعى زياندى قوقىستان قالاي قۇتىلۋ كەرەكتىگىن ايتقىمىز كەلىپ وتىر. ويتكەنى قازىرگى كەزدە تۇتىنىپ جۇرگەن تاعامداردىڭ قۇرامىندا زياندى زات كوپتەپ كەزەدسەدى. ال ونىڭ كەسىرىنەن اۋرۋحاناعا ءتۇسۋىڭىز دە ابدەن مۇمكىن. سوندىقتان اعزاڭىزدى ارتىق زاتتان تازالايتىن تومەندەگىدەي تاعاممەن تانىس بولىڭىزدار.

قىزىل قىزىلشا

بۇل كوكونىستىڭ قۇرامىنا جاسۇنىق، بال، فوسفور، س دارۋمەنى جانە كوپتەگەن پايدالى قىشقىل كىرەدى. ولار اس قورىتۋ جولدارىن جاقسارتىپ، ىشەكتەگى شىرىتكىش باكتەريالاردى ولتىرەدى. قىزىلشا تەك اسقازانىڭىزدى عانا تازالاپ قويماي، ونى فولي قىشقىلى مەن كرەمني توتىعىنىڭ كومەگىمەن جاسارتادى. ونى بورشقا قوسىپ نەمەسە سالات جاساپ، شىرىنسىققىشقا سالىپ سۋسىن قىلىپ ىشسەڭىز بولادى.

شالقان ءتارىزدى پياز

جۋانىڭ باستى كومپونەنتتەرىنىڭ ءبىرى ەفير مايىندا ساقتالاتىن فيتونتسيدتەر بولىپ تابىلادى. ولار باكتەريالار مەن تەرى اۋرۋلارىنىڭ الدىن الادى. سونىمەن قاتار جۋا اس قورىتۋ جولدارىن جاقسارتىپ، تاماققا دەگەن تابەتىڭىزدى اشادى. ونى ءارتۇرلى سالاتقا قوسىپ تۇتىنىڭىز. جانە ودان بەتىڭىزگە ماسكا جاساپ، بەزەۋلەردەن قۇتىلا الاسىز.

سارىمساق

سارىمساقتىڭ ءبىر كىشكەنتاي بولىگىنىڭ وزىندە تامىرىڭىزدى تازارتىپ، حولەستيرين مولشەرىن ازايتاتىن جانە مي قاتەرلى ىسىگىنە قارسى كۇرەسەتىن 400 دەن استام پايدالى ەلەمەنت بار. وعان قوسا سارىمساق اسقازان جاراسىن جويىپ، ىشەك قۇرتتاردى ولتىرەدى. ديفتەريالىق جانە تۋبەركۋلەز تاياقشالارىن بولدىرماۋعا كومەكتەسەدى. ونى ۇگىتىلگەن كۇيىندە تۇتىنعانىڭىز دۇرىس.

اقباس قىرىققاباتى

بۇل قىرىققاباتتىڭ قۇرامىنا كىرەتىن تاعام تالشىقتارىنىڭ ارقاسىندا اعزاداعى قوقىستاردان وڭاي قۇتىلاسىز. سونىمەن قاتار قىرىققاباتتا اس قورىتۋ جولدارى مەن ميكروفلورانى رەتتەۋگە اسەر ەتەتىن ورگانيكالىق قىشقىلدار بار. ال سيرەك كەزدەسەتىن U دارۋمەنى اسقازاننىڭ ويىق جاراسىنا قارسى كۇرەسەدى. ونى بالعىن جانە اشىعان تۇرىندە تۇتىنىڭىز.

الما

بۇل جەمىس ءتۇرى اعزاداعى قوقىستى شىعاراتىن پەكتين مەن جاسۇنىقتىڭ كومەگىمەن بارلىق اس قورىتۋ جولىنىڭ جۇمىستارىن جاقسارتادى. الما تابەتىڭىزدى اشىپ، ءىشتىڭ جۇرمەي قالۋىنا جول بەرمەيدى. ونى كوبىنە قابىعىمەن جانە ۇككىشتەن وتكىزىپ جەڭىز. سوسىن المادىن كومپوت جاساپ ىشكەن وتە پايدالى.

بۇل تاعامدار ءسىزدىڭ اعزاڭىزدى ءارتۇرلى اۋرۋدان قۇتقارىپ، زياندى زاتتاردى سىرتقا شىعارادى. ەگەر كوڭىل- كۇيىڭىزدىڭ كوتەرىڭكى، دەنىڭىزدىڭ ساۋ جۇرگەنىن قالاساڭىز، بۇل جەمىستەر مەن كوكونىستەردى ءوزىڭىزدىڭ اس مازىرىڭىزگە قوسىپ قويىڭىز.

massaget.kz


سوڭعى جاڭالىقتار