+7 (701) 759 90 19
22 °С : نۇر-سۇلتان
24 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

جالعىز كيىك. اسكەرحان اقتاي

25 تامىز 13:30
:ءبولىسۋ
جالعىز كيىك.  اسكەرحان اقتاي

استانا. قازاقپارات. اسكەرحان اقتاي - اقىن، موڭعوليانىڭ بايان ولگەي ايماعىندا تۋعان. قازاقستان جانە موڭعول ەلى جوعارعى وقۋ ورىندارىندا ءبىلىم العان. ولەڭدەرى رەسپۋبليكالىق باسىلىمداردا جاريالانىپ كەلەدى. 2009 - جىلى تاريحي اتاجۇرتىنا ورالعان.

جالعىز كيىك

بەلگىسىز بەيىت، بەس تومار.. .

قىرقانى قىمتاپ كەش قونار،

ءبولىنىپ قالعان بوكەنگە،

ءبورىنىڭ ءوزى ەس بولار.

قۇلايمىن دەسىن ورعا كىم؟

جالعىزعا كورەر سور قالىڭ.

قارا جەر- سەنىڭ بەسىگىڭ،

كوك اسپان- سەنىڭ قورعانىڭ.

بايتەرەك سايا بولارما؟ ،

جاپىراعى بولماسا،

سار دالا سايا بولارما؟ ،

توسىنە قىرباق قونباسا؟ .

كوكجيەك استى مۇنار بەل.

كورگەن جان سەنى سىڭار دەر.. .

تەڭىزدەي تولقىن سەلەۋگە،

تەبىندەپ قايتا شىعار دەر.

قاراشا باسى جاڭبىرلى،

قارت تەرەك ءتۇبىن سايالا.

جالعىزدان- جالعىز تاعدىردى،

ايالا ءتاڭىر، ايالا.

سەبەزگى جاڭبىر توكسە ءبىر،

سەلەۋلى دالا شايىلار.

ساعىمدى بۇيرات، كوكشە كىر،

اقبوكەن قايتا جايىلار.. .


كۇن استىنداعى قىران قازاعىم


دالامدى جەلپىپ ازاتتىق جەلى.

ءۇمىتتىڭ شوعىن مازداتتى لەبى.

الاتاۋ، التاي، اتىراۋ، ارقا،

بۇل مەنىڭ دالام، قازاقتىڭ جەرى!

اعادى قىردا بالبۇلاق كۇلىپ،

تىڭدايدى داۋسىن تاۋ قۇلاق ءتۇرىپ.

تەكتى ۇلىڭ ۇلتتىڭ باستادى كوشىن،

اي قاناتتى ارعىماق ءمىنىپ.

باقىتقا جەتسىن باستاعان ەلىڭ.

ەل ءۇشىن جوق - اۋ اسپاعان بەلىڭ.

كۇمبەزىن كۇننىڭ ساۋلەسى سۇيگەن،

ايشىقتى ارۋ - استانام مەنىڭ!

ءانۇرانىمدا توگىلدى ويناپ،

نامىستىڭ شوعى كوڭىلدە جايناپ.

ەل بولعانىمنىڭ بەلگىسىندەي بولىپ،

جەلبىرەپ بيىك قادىرلى بايراق.

جادىراتقانداي جانىمدى شۋاق،

وشپەستەي ەندى جاعىلدى شىراق.

جۋساننىڭ ءيىسىن جۇتايىن كانە،

سامالدى بەل مەن ساعىمدى قىرات.

اق اراي سۇيگەن ۇلان اجارىن،

شاشۋ قىپ تالاي ءان- جىر جازارمىن.

نۇرلى تاڭدارعا سامعاي بەر تالماي،

كۇن استىنداعى قىران قازاعىم!

قۇلازۋ

جار جاعالاي،

جەلەدى جەتىم ەلىك.

جارتىكەش

اي جۇزەدى شەتى كەمىك.

سارى ارقانىڭ

سەلەۋى تەربەلەدى،

ساۋكەلەنىڭ

ۇكىسى سەكىلدەنىپ.

جىلى شۋاق

جاساعان جاراتار ما از.

قىركۇيەكتە

بازارىن تاراتار جاز.

وسكەن جەرىن

قيا الماي كول بەتىنە،

قايتا اينالىپ

قونادى بالاپان قاز.

جۇرەگىندە

جازىلماس جارا بار ما،

دالا جاتىر

شىلانىپ شاراناعا.

.. .قارشا ءۇيدىڭ

ەسىگىن اشىپ قويىپ،

قارا جولعا

قارايدى قارا بالا.

قارا جەلگە

توسادى ءتوسىن قىران،

سارى بەلدەن

سىزىلار توسىن ءبىر ءان.

مەنىڭ شالقار

سەزىمىم سياقتانىپ،

جاردان اسىپ

تاسيدى ەسىل، نۇرا.

جالعىز تەرەك

جابىرقار قويناۋدا ءوسىپ.

كولەڭكەلەر

جوڭكىلەر سايلار كەشىپ.

.. .ەرەيمەننەن

اساتىن بۇلتتار قۇساپ،

بارا جاتىر

باسىمنان ويلار كوشىپ.. .


اسكەرحان اقتاي



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات