ادام بالاسى جىلاپ تۋادى، كەيىپ ولەدى - اباي اتامىزدىڭ قاناتتى سوزدەرى
3 اقپان 17:47

ادام بالاسى جىلاپ تۋادى، كەيىپ ولەدى - اباي اتامىزدىڭ قاناتتى سوزدەرى

نۇر-سۇلتان. قازاقپارات. اقىل - جان قۋاتى. پايدا مەن زالالدى - اقىل ايىرادى.

ادام بالاسىنىڭ ەڭ جامانى - تالاپسىز.

قايراتسىز، قورقاق كىسى - ماقتانشاق كەلەدى.

جيناقىلىقتىڭ ءتۇبى - كەنىش.

ۋايىم- قايعىنىڭ ىشىنە كىرىپ الىپ، شىعار ەسىگىن تابا الماي قامالىپ قالۋ - انتۇرعاندىق.

ادام بالاسى جىلاپ تۋدى، كەيىپ ولەدى.

قۋلىق ساۋماق، كوز ءسۇزىپ، تىلەنىپ ادام ساۋماق - ونەرسىز ءيتتىڭ ءىسى.

اۋەلى - قۇدايعا سيىنىپ، ەكىنشى - ءوز قايراتىڭا سۇيەنىپ، ەڭبەك قىلساڭ، قارا جەر دە قۇر تاستامايدى.

بىرلىك مالعا ساتىلسا، انتۇرعاندىقتىڭ باسى - وسى.

حايۋان بىلمەيدى - بىلەمىن دەپ تالاسپايدى دا.

كوكىرەكتە ساۋلە بولماسا - كوڭىلدە سەنىم بولمايدى.

ءومىردىڭ الدى - ءۇمىت، ارتى - وكىنىش.

مالعا دوستىڭ مۇڭى جوق مالدان باسقا.

ەكى كوڭىل اراسى - جىلشىلىق جەر.

ءۇش- اق نارسە ادامنىڭ قاسيەتى: ىستىق قايرات، نۇرلى اقىل، جىلى جۇرەك.

جۇرەك - تەڭىز، قىزىقتىڭ ءبارى - اسىل تاس.

راسپەنەن تالاسپا.

پايدا، ماقتان، اۋەسقوي - شايتان ءىسى.

يمانسىزدىڭ سىرتىن قانشا جۋساڭ دا، ءىشى وڭبايدى.

ماقتان قۋما، كەرەك قۋ.

كوپتىڭ اۋزىن كۇزەتىپ، كۇن كورە المايسىڭ.

ادامزات - بۇگىن ادام، ەرتەڭ - توپىراق.

ادامدى ءسۇي، اللانىڭ حيكمەتىن ءسۇي.

قايعىسىزدىڭ ءبارى - اساۋ.

قولدان كەلمەس ىسكە ۇمتىل - ازات باسىڭ بولسىن قۇل.

ءاننىڭ دە ەستىسى بار، ەسەرى بار.

ءومىردىڭ الدى - ىستىق، ارتى - سۋىق.

قارەكەت قىل - پايداسى كوپكە ءتيسىن.

ولەڭ - ءسوزدىڭ پاتشاسى.

تاتۋلىقتان ارتىق جولداس جوق.

اداسقاننىڭ الدى - ءجون، ارتى - سوقپاق.

جاستىقتا كوكىرەك - زور، ۋايىم - جوق.

جاستىقتا ءبىر كۇلگەنىڭ - ءبىر قارالىق.

ماحاببات - ءومىر كوركى.

كەكشىل بولما - كوپشىل بول.

شىن جۇرەك - ءبىر جۇرەك.

كەيبىرەۋلەر ءسوزدى جۇرەگىمەن تىڭدامايدى، قۇلاعىمەن قارمايدى.

دۇشپانىڭا ءادىل بول.

قازاقتىڭ وزگە جۇرتتان ءسوزى ۇزىن.

تۇرلاۋسىزدىڭ قولىنان تۇك كەلمەيدى.

مايدانعا تۇسپەي - بايگە الما.

تاۋەكەلسىز، تالاپسىز مال تابىلماس.

ءومىر جولى - تار سوقپاق.

كورىك - ءتاڭىر داۋلەتى.

وتكەن ءومىر - كورگەن ءتۇس.

كۇلكىنىڭ ەرنى كەزەرمەس.

تۇزدە مىرزاڭ - ۇيدە سىرداڭ.

تاعدىر كورمەي قويمايدى بۇققانمەنەن.

كەيبىرەۋ قۇر تىلمەن مال جيعىسى كەلەدى.

massaget.kz


جاڭالىقتار