17:03, 28 - قاڭتار 2021 | GMT +6
قيسىق اۋىز قىران نەمەسە مولدا بۇركىت
نۇر-سۇلتان. قازاقپارات - التاي وڭىرىندە ءومىر ءسۇرىپ جاتقان تۇگەلباي دەگەن قۇسبەگى اعامىز بار. سول كىسىنىڭ قيسىقۋاىز دەگەن اتاقتى قىرانى بولدى. وسى قىران جىلىندا 20-30 تۇلكى الادى ەكەن. بۇركىتتىڭ «قيسىق اۋىز» اتانۋى، ول تاماق جەگەندە اۋزىن قيسايتىپ اسايدى ەكەن. سونىسىنا قاراپ وسىلاي اتاپ كەتىپتى.
ءبىر قىزىعى وسى بۇركىت اراق ىشكەن نەمەسە شىلىم شەككەن ادامدى كورسە، تۇعىرىندا وتىرا الماي تىپىرشىپ، تۇتىگىپ مازاسى كەتەدى. تۇكەڭ بۇركىتىن كوتەرىپ ساياتقا شىققاندا اراق ىشكەن ادامدار ودان ءبىر شاقىرىم الىس جۇرەدى. ويتكەنى، اراق ءيىسىن سەزسە قيسىقاۋىز قىڭىرلانىپ، ۇشپاي قويادى نەمەسە اراق- شاراپ قولدانعان ادامعا تۇمسىق- تىرناعىن جۇمساپ جارالاپ تاستايدى.
قۇستىڭ وسى قىلىعىنا قاراپ تۇكەڭنىڭ كەيبىر زامانداستارى قالجىڭداپ قيسىق اۋىزدى «مولدا بۇركىت» اتاپ كەتىپتى.
جاناربەك اقىبي
«نامىس»