15:35, 16 - مامىر 2015 | GMT +6
ەلوردالىقتار ەلباسى جەڭىسىنە ارنالعان ۆەلوجارىس وتكىزدى - فوتو
استانا. قازاقپارات - بۇگىن ەلوردادا ق ر پرەزيدەنتى سايلاۋىنداعى ەلباسى نۇرسۇلتان نازاربايەۆتىڭ جارقىن جەڭىسىنە ارنالعان جاپپاي ۆەلوجارىس ءوتتى.
بۇقارالىق سپورتتىق شاراعا قازاقستاننىڭ 13 وبلىسىنان كەلگەن كاسىبي ۆەلوشاباندوزدارمەن قاتار سالاۋاتتى ءومىر سالتىن ۇستانعان ءارتۇرلى جاستاعى ەلوردالىقتار دا كوپتەپ قاتىستى.
ەلىمىزدىڭ مادەنيەت جانە سپورت ءمينيسترى ارىستانبەك مۇحامەدي ۇلى دا جارىسقا قاتىسۋشىلار ساپىنان تابىلىپ، باسەكە باستالار الدىندا قۇتتىقتاۋ ءسوز سويلەدى. ول ۆەلوجارىستىڭ وتاندىق سپورتتىق قوزعالىستاعى جارقىن وقيعالاردىڭ بىرىنە اينالاتىندىعىنا سەنىم ءبىلدىردى.
سالتانات سارايى الدىنداعى الاڭنان باستالعان جارىس «سارىارقا» رەسپۋبليكالىق ۆەلوترەگىندە اياقتالدى. ءدال وسى جەردە جارىس جەڭىمپازدارىنا باعالى سىيلىقتار تابىس ەتىلدى.
اۆتور: مارلان جيەمباي