USD 429.57 EUR 447.35
RUB 6.94 CNY 63.23
جاڭالىقتار

قيىندىقتى ەڭسەرۋدىڭ راحاتى

25 جەلتوقسان 16:44
:ءبولىسۋ
قيىندىقتى ەڭسەرۋدىڭ راحاتى

نۇر-سۇلتان. قازاقپارات - ومىرلىك قيىندىق ادام بالاسىنا زيانىن تيگىزۋ ءۇشىن بەرىلمەيدى. ءبىر ماسەلە تۋىنداسا، ادام بالاسى ودان ساباق الىپ، ارى قاراي رۋحاني وسۋگە تالپىنۋى ءتيىس. سپورت زالعا كەلىپ، ءزىلماۋىر كىرلەردى كورىپ، وسىنىڭ بارلىعى نە ءۇشىن كەرەك دەپ ويلانىپ كوردىڭىز بە؟

مۇنداي اۋىر زاتتاردى ەشقاشان كوتەرە الماس ەدىم. نەگە ءبىر- ەكەۋىن جەڭىل ەتىپ جاسامايدى ەكەن؟ مەن ءۇشىن سول دا جەتكىلىكتى دەر ەدىڭىز. ءبىر قاراعانعا اقىماقتىڭ ويىن ايتقان سەكىلدى. ءبىراق كوپ ادام باسىنا تۇسكەن قيىن ىسكە تۋرا وسىنداي كوزقاراستا بولاتىنى راس.

ستيۆ پاۆلينا، ا ق ش

نەگە مەنىڭ سالماعىم تىم كوپ؟ نەگە جاي عانا سۇلۋ، سىمباتتى بولا سالمادىم ەكەن؟ ءتاتتىنى جەمەي جۇرۋگە بولا ما؟ نەگە سپورتپەن شۇعىلدانۋ سونداي قيىن؟

نەگە تابىس تابۋ سونداي قيىن؟ قارىزدارىمنان قالاي قۇتىلسام ەكەن؟ نەگە مەنىڭ كولىگىم سىنا بەرەدى؟ اقشاسىز ءومىر - ءومىر ەمەس.

نەگە جاقسى قىزدار (جىگىتتەر) ماعان قارامايدى؟ مەن جاقسى ادام سياقتىمىن عوي. ءبىراق اينالام تولعان ناقۇرىستار. جالعىزدىقتان شارشادىم. قاشان ماحابباتىمدى تابام؟

ستيۆ پاۆلينا

نەگە ويىمداعىداي جۇمىس تابا الماي قويدىم؟ ءوزىم جەك كورەتىن جۇمىستا قاشانعا دەيىن وتىرا بەرەم؟ مىناۋ نە ءومىر؟ باسقا جۇمىس قاراستىرۋ كەرەك.

تانىس سوزدەر مە؟

قيىندىق كەدەرگى ىسپەتتى

جوعارىدا ايتىلعان ءسوزدىڭ ءبارى قيىندىق بىتكەندى كەدەرگى ەتىپ كورسەتىپ جاتىر. ىڭعايسىزدىق، اشۋ شاقىراتىن سەزىمنىڭ ءبارى ادامدى توقىراتادى. كەدەرگى كەلتىرەدى. ءومىردىڭ جاقسى جاقتارىن كورسەتپەيدى.

مۇنداي ۇستانىممەن ادام سول كەدەرگىلەردى بولدىرماۋعا بارىن سالۋى كەرەك. ەگەر تۇيتكىل الدىدان شىقسا، وندا ومىرىڭىزدە ءبىر نارسە بۇرىس كەتتى. سونى الدىن الا ەسكەرىپ، بولدىرماۋدىڭ جايىن جاساۋ كەرەك ەدى. باسقا تۇسكەن قيىندىق جولىڭ بولماعاننىڭ، قيىن تاعدىردىڭ مىسالى بولادى. نەمەسە وسىعان دەيىن تەرىس ويدىڭ جەتەگىندە ءومىر سۇرگەننىڭ، سول ويدىڭ سالدارىنان قيىندىق تۋدىرعانىڭىزدى تۇسىنەسىز.

ەگەر ءالى دە قيىندىقتان ارىلا الماي جۇرسەڭىز، ولاردى شەشۋگە تىرىسىڭىز. ەش قيىندىقسىز ءومىر ءسۇرۋدى ۇيرەنىڭىز. قيىندىقسىز ءومىر ءسۇرۋ مۇمكىن ەمەس دەگەن ويدان قۇتىلىڭىز.

بۇل ەڭ سوراقى ۇستانىم. نەعۇرلىم سولاي كوبىرەك ويلاساڭىز، سوعۇرلىم وسال بولا بەرەسىز. مۇنداي ۇستانىم ادامدى جولايرىققا تىرەيدى. ەكى جولدىڭ ءبىرى ۇنەمى قيىندىق استىندا قالۋعا ماجبۇرلەيدى. اقىرىندا ءومىرىڭىز تەك سول تۇيتكىلدەردى شەشۋگە باعىتتالىپ كەتەدى. ونى ادام ءبىر ءوزى شەشۋگە قيىنسىنادى. سوندىقتان وزىنە تۇنشىقتىرعىش ويلاپ تاۋىپ الادى. تەلەديدار، ۆەب- سەرفينگ، بەينە ويىندار، ۇزدىكسىز كىتاپ وقۋ، ىشىمدىك، ەسىرتكى جانە ت. ب. باياۋ سۋعا كەتە بەرەسىز... ءومىر ساۋساق اراسىنان اعىپ كەتەدى. تاعى قيىندىق تۋسا، تاعى سويتەسىز... قيىندىق كورسە، جانى قينالىپ، باسى اۋىرىپ، مازاسىزدىق، كۇيگەلەكتىك مەڭدەپ الادى.

ەكىنشى جول - شەگىنىس. قيىندىقتاردى ازايتۋ ءۇشىن مىنا الەمنەن ءبىراز ۋاقىتقا باز كەشۋگە تۋرا كەلەدى. مۇنداي قادامدى «وڭتايلاندىرۋ» نەمەسە «مينيماليزم» دەپ اتاسا دا بولادى. ەگەر ءومىردىڭ ءبىر باعىتىندا كەدەرگى پايدا بولسا، ونى ادام وتا جاساپ الىپ تاستاۋعا پەيىلدى بولادى. بالكىم، ول ادام جالعىز تۇراتىن شىعار. ونىڭ دوستارى از شىعار. جەڭىل جۇمىس جاساپ، ءوزىنىڭ قابىلەتىن شىڭدامايتىن بولار. شىڭداماعان سوڭ ەشبىر سىي المايدى. تابىس تاپپايدى. سودان دا ءبىر ۇڭگىردە تۇرىپ، مەديتاتسيا جاساۋ جاقسى وي سياقتانادى.

سىزگە كەرەگى - تىنىشتىق، تىنىشتىق قانا. ءبىراق سول تىنىشتىق بۇيىرمايدى. ايتەۋىر، مازانى الاتىن ءبىر قۇبىلىس بولادى دا تۇرادى.

ءبىراق باسقا دا جولدار بار. ايتكەنمەن، ادامنىڭ كوبى جوعارىدا ايتىلعان ەكى جولدىڭ ءبىرىن تاڭدايدى. بىرىنشىسىنە تۇسكەندەر ماڭگىلىك كۇيزەلىستەن ارىلا المايدى. ەكىنشىسىن تاڭداعاندار ۇزاق مەرزىمدى اتروفياعا ۇشىرايدى. قالاي دەسەك تە، بۇل ەكى جولعا تۇسكەن ادام ءوزىن ىزدەۋگە اسىقپايدى. سونىڭ سالدارىنان بەس جىل بۇرىنعى قيىندىق بۇگىندە ەكى يىنىڭنەن باسىپ تۇراتىن قارا تاسقا اينالادى.

قيىندىق - مۇمكىندىك بۇلاعى

ءوز تاراپىمىزدان باسقا جولدى ۇسىنىپ كورەيىك. ءبىز ۇسىنعان جول مۇمكىندىكتەردى كوبەيتىپ، ادامدى بولماشى قىڭقىل- كۇڭكىلدەن تىيادى.

قيىندىق ادامعا زيانىن تيگىزۋ ءۇشىن بەرىلمەيدى. كەرىسىنشە، ولار ادامدى مىقتى ەتە تۇسەدى. سپورت زالداعى ءزىلماۋىر كىرلەر سياقتى. ولاردى كوتەرگەن سايىن شارشايتىنىڭىزدى سەزەسىز. ءبىراق ۋاقىت وتە كەلە وپ- وڭاي كوتەرە بەرەتىنىن اركىم بايقايدى. جاتتىعۋ كەرەك. بويىڭدى ۇيرەتۋ شارت. ومىردە بەتپە- بەت كەلگەن قيىندىقتىڭ بارىنە توزگەندە سوڭعى نۇكتەنى عانا ويلايتىن ادامداردىڭ كوپتىگى وتىرىك ەمەس. نەگىزىندە بۇل ساياز وي. سپورت زالدا تەك ناتيجەسىن كورۋ ءۇشىن عانا جۇرمىنگە سايادى.

ودان گورى ءونىمدى ويلاي ءبىلۋ كەرەك. ەڭ ماڭىزدىسى - قيىندىقتى شەشۋگە باعىتتالعان ءىس- ارەكەت. ادامدى ءىس- ارەكەتى وسىرەدى. ناتيجەسى ەمەس. ناتيجە ءار ءتۇرلى بولۋى مۇمكىن.

ماسەلەن، ءبىر ادام اقشاسىز، موينىندا قارىزى بار دەلىك. مۇنداي قيىندىقتى كىم بولسا دا تەزىرەك شەشۋگە ۇمتىلادى. بۇل قيىندىقتىڭ ماڭىزى ناتيجەسىندە ەمەس، سوعان قالاي جەتۋگە بولاتىنىن ويلاۋدا تۇر.

بۇگىنگى مەنىڭ قارجىلىق ەركىندىگىمنىڭ ءبىر سەبەبى - وسىدان ون جىل بۇرىن ءوزىمنىڭ قاراجاتسىز ءجۇرۋ ماسەلەمدى شەشىپ الدىم. وتە قيىن شارۋا ەدى. قانشاما ساتىدان ءوتتىم. وزىمە سەنىمدى، مىقتى بولۋعا تالپىندىم. قارجىعا دەگەن ءوزىمنىڭ كوزقاراسىمدى ءجيى اۋىستىردىم. سول كىردى كوتەرگەن سايىن مەنىڭ سانام تولىسا بەردى. سودان قارجىلىق جاعدايىم تۇزەلدى.

بۇدان تۇيەتىنىمىز نە؟ ەگەر الدا- جالدا كەلەشەكتە مەن ءبىر تيىنسىز قالسام، ونىڭ شەشىمىن ەش قيىندىقسىز تابامىن. ءتىپتى ءبىرىنشى رەتكە قاراعاندا جىلدام شەشۋىم دە ىقتيمال. كوپ اقشا شىعىنداپ الامىن دەگەن ۇرەيدەن اۋلاقپىن. ول ناتيجەگە جەتە الاتىنىما سەنىمىم مول. مەنىڭ نەگىزگى ماقساتىم اقشا ەمەس، تابىس تاۋىپ ۇيرەنۋ ەدى. ىشكى جەتىلۋ، ءبىلىم، اقشا تابۋدىڭ تەتىگىن مەڭگەردىم.

ەگەر مەنىڭ بار قيىندىعىم وزگەنىڭ اقشا بەرە سالۋىمەن شەشىلسە، وندا مەن جيناعان ءبىلىم مەن تاجىريبە بولماس ەدى. لوتورەيا ۇتىپ الۋ - ناتيجە بەرمەيدى.

اقشاعا زارۋلىگىم كەزىندە ىشىمنەن اسپاننان اقشا جاۋىپ كەتپەسىن دەپ دۇعا ەتەتىنمىن. ءوزىمنىڭ قيىندىعىمدى ءوزىم عانا شەشۋىم كەرەك دەپ ءتۇيدىم. مەن ءۇشىن اقشالى بولۋدىڭ تاجىريبەسىن وتكەرۋ ماڭىزدىراق ەدى.

شەشۋگە ءتيىستى بىرنەشە ماسەلەنىڭ ءبارى دە مەنى ماقساتىما اپاراتىن التىن كوپىر ەكەنىن ەسكەرىپ وتىردىم. قينالسام دا بارلىق كيكىلجىڭگە شىدادىم. ۇيرەندىم. مىنەزىم توسەلدى. سابىرلى بولۋدى ۇيرەندىم. كۇتە ءبىلۋدىڭ ماڭىزدى ەكەنىن ءتۇسىندىم.

سول ماسەلەلەردى شەشە ءجۇرىپ ءبىرقاتار ماقالا جازىپ تاستادىم. بىلگەنىممەن بولىسۋگە تىرىستىم. قيىن ساباقتار بولماعاندا اقشاعا قول جەتكىزە الماس ەدىم.

بۇدان تۇيەتىنىمىز نە؟ ەگەر الدا- جالدا كەلەشەكتە مەن ءبىر تيىنسىز قالسام، ونىڭ شەشىمىن ەش قيىندىقسىز تابامىن. ءتىپتى ءبىرىنشى رەتكە قاراعاندا جىلدام شەشۋىم دە ىقتيمال. كوپ اقشا شىعىنداپ الامىن دەگەن ۇرەيدەن اۋلاقپىن. ول ناتيجەگە جەتە الاتىنىما سەنىمىم مول. مەنىڭ نەگىزگى ماقساتىم اقشا ەمەس، تابىس تاۋىپ ۇيرەنۋ ەدى. ىشكى جەتىلۋ، ءبىلىم، اقشا تابۋدىڭ تەتىگىن مەڭگەردىم.

اعزاداعى دەرت ءتاننىڭ قۋاتىن قۇرايدى. ساناعا تۇسەتىن سالماق مەنتالدى قۋاتتى قۇرايدى. قارىم- قاتىناس تۇيتكىلى الەۋمەتتىك قۋاتتى قۇرايدى. وسىلاردىڭ بارلىعى جينالىپ كەلىپ رۋحاني قۋاتتى قۇرايدى.

مۇنداي ۇستانىمىم ۇزاقمەرزىمدى جاعىمدى پەرسپەكتيۆانى كورسەتەدى. مۇنداي ۇستانىمدى نەعۇرلىم قاتتىراق قولداساڭىز، سوعۇرلىم مىقتى بولا بەرەسىز.

قيىندىقتى جەڭۋگە كوزقاراستى وزگەرتۋ

ماسەلەنى شەشۋدى انامنان ۇيرەندىم. ول ماتەماتيكا ءپانىنىڭ ءمۇعالىمى بولدى. ءومىر باقي ماعان ەسەپتەر شىعارۋدى تاپسىراتىن. ءتۇرلى كىتاپتار اكەپ بەرەتىن. ەكۆيۆالەنتتىلىك، وپتيكا، لوگيكا ەسەپتەرىن شىعارتاتىن. كەز كەلگەن كىتاپ دۇكەنىندە بار كىتاپتار. جازعى دەمالىستا بوس وتىرماسىن دەۋشى ەدى.

سول كىتاپتارىمدى جاقسى كورۋشى ەدىم. بالانىڭ سان الۋان ەسەپتەرمەن تانىستىعى ونىڭ زەردەلى بولۋىنا ىقپال ەتەدى. ەسەپتى شىعارا الماي قينالاسىڭ. ويلاناسىڭ. تولعاناسىڭ. شەشىمى بار. قايتسەڭ دە تاپقىڭ كەلەدى. تاپقان سوڭ جانىڭ جاي تابادى. ەسەپ شىعارۋ مەنى زەرەك ەتتى. مەنىڭ ومىرلىك قىزىعۋشىلىعىم ءتۇرلى ەسەپ شىعارۋعا اينالدى.

ال، باسقا بالالار ماعان كەلىپ ەسەپ شىعارىپ بەرشى دەپ سۇرايتىن. مەن كومەكتەسەتىنمىن. بىرگە وقىماساق تا، مەنى مەكتەپتەگى مىقتى ەسەپ شىعارعىش اتاپ كەتتى. مۇعالىمدەرىمنىڭ ءبىرى مەنىڭ قابىلەتىمدى شىڭداعىسى كەلدى. ماعان باسقالارعا قوسىمشا ساباق وتۋگە رۇقسات ەتەتىن. وسىلاي اقشا تابۋدى باستادىم.

ءبىر كۇنى فيزيكا ءپانىنىڭ ءمۇعالىمى ساباقتىڭ الدىندا شاقىرىپ الىپ، ءبىر ەسەپتى شىعارشى دەدى. تەز شىعارىپ بەردىم. فيزيكادان ءبارىن جاقسى بىلگەندىكتەن ەمەس. كوپ ەسەپ شىعارىپ ادەتتەنگەندىكتەن. شەشىمىن الدىن الا ءبىلىپ تۇردىم. فيزيكا ءۇشىن مەنىڭ شەشىمىم بوتەن بولعانىمەن، ماتەماتيكا ءۇشىن قالىپتى ەسەپ ەدى. قىسقى دەمالىستا ءىشىم پىستى. ماتەماتيكادان بارلىق ەسەپتەردى شىعارىپ تاستادىم. سوسىن ونى مۇعالىمگە تاپسىردىم. ەندى ساباقتا نە ىستەيسىڭ دەدى. ماعان مىسال ەسەپ بەرىپ قوياتىن بولدى. ەمتيحان سۇراقتارىنا دايىندادى. ءوزىم كالكۋلياتور باعدارلاماسىن جاساۋدى باستاپ كەتتىم. بۇل دا مەن ءۇشىن ەسەپ ەدى. مۇنداي لوگيكانى ماتەماتيكادان تىس جەردە دە قولدانۋعا بولاتىنىن مەن كەيىن ءبىلدىم. ءوز باسىم بۋحگالتەريانى جەك كورەمىن. بيزنەستىڭ ەڭ ءىش پىستىرارلىق سالاسى سول. مەن ونىڭ كوپ بولىگىن بۋحگالتەرگە تاپسىرامىن. ءبىراق كاسىپپەن اينالىسقان ادامعا ەسەپتەن قاشىپ قۇتىلۋعا بولماس. بۋحگالتەرلىك جۇمىسقا قارسىلىق بىلدىرگەنشە ونى باسقاشا باعالاۋدى باستادىم. تەزىرەك جۇمىستى بىتىرۋگە اسىقپايمىن. مەنىڭ ماقساتىم - جۇمىستى ءوزىمنىڭ جەتىلۋىمە قولدانۋ. ءىسىمنىڭ قارجىلىق سالاسىنىڭ مۇلتىكسىز بولۋى مەنىڭ جەكە باسىمنىڭ جيناقى بولا تۇسۋىنە اسەرىن تيگىزەدى. قارجىلىق سالانى دۇرىس باسقارسام، ول ماعان بىرنەشە جىل بويى قىزمەت ەتەتىنىن بىلەم.

بۇل جۇمىستى وزگەلەرگە دە تاپسىرسام بولار ەدى. مەنىڭشە بۇل جاقسى وي ەمەس. ەسەپ شىعارۋ ماعان ماڭىزدى ساباق بولماق. ىسكەرلىگىمە تيگىزەتىن پايداسى شاش ەتەكتەن. ايتپەسە، باستاعان ءىسىم اياقسىز قالماق. باسقارۋ ەسەپ شىعارۋعا نەگىزدەلەدى. كەيىن بالكىم بىرەۋگە تاپسىرۋعا بولاتىن شىعار. 25 كەلىلىك كىرگە اۋىسپاس بۇرىن 20 كەلىلىكتى ابدەن مەڭگەرۋىم كەرەك.

سانى كوپ تۇيتكىلدى ەڭسەرۋ

تۇيەقۇس بولىپ ءومىر سۇرگەن ىڭعايلى، ارينە. باسىڭدى قۇمعا تىعىپ الىپ، ەشتەڭە بولماعانداي جۇرە بەرۋ - كوپ ادامنىڭ ادەتى. اينالاڭ قۇجىناعان شەشىلمەگەن ماسەلە: قالتاڭ بوس، جۇمىستان پايدا جوق، جۇبىڭمەن ۇرىس- كەرىس، قارىن قامپيعان، ماقسات جوق.

سىزگە ەڭ جەڭىل سالماقتان باستاۋ كەرەك. كۇندەلىكتى جاتتىعۋ جاساڭىز. كىشىگىرىم ماسەلەنى شەشۋگە ۇيرەنگەن سوڭ، اقىرىنداپ ىلگەرىلەي بەرەسىز. سەنىم پايدا بولادى. ادامنىڭ ساناسى جەتىلەدى. ودان دا كۇردەلى تۇيتكىلدى شەشە باستايدى.

باستاپقىدا تازالىق جاساۋ، جوندەۋ جۇمىستارىنا ءمان بەرۋ كەرەك. ۇستەلىڭىزدىڭ ءۇستىن جيناڭىز. دارەتحانانى تازالاڭىز. كيىم- كەشەكتى رەتتەڭىز. حاتتاردى تەكسەرىڭىز. بار بولسا، كارتينانى قابىرعاعا ءىلىڭىز. توڭازىتقىشتاعى بۇزىلعان تاعامدى تاستاڭىز.

وسىنىڭ ءبارىن كۇندەلىكتى جاساپ داعدىلانىڭىز. ءبىر مەزگىلدە ۋاقىت ءبولىڭىز. بەلگىلەنگەن ۋاقىت ىشىندە نە ۇلگەردىڭىز؟ ەسەبىن ءبىلىپ ءجۇرىڭىز. ۋاقىتتى ۇتىمدى پايدالانۋدىڭ ءبىر ءتاسىلى وسى. سوندا ىستەگەن ىستەر سونشالىقتى كۇردەلى بولىپ كورىنبەيدى. ۋاقىتتى دا جەمەيدى. ۋاقىتتى ءتيىمدى جۇمساۋعا قالىپتاساسىز. بۇل دا سول سپورت زال سياقتى نارسە.

مىقتى بولا ءتۇسىڭىز

ءبىر تۇيتكىلدىڭ شەشىمىن تابۋ ادامعا كوپ رەسۋرس بەرەدى. نەعۇرلىم كوپ ەسەپ شىعارساڭىز، سوعۇرلىم ەسەپكە بەيىمدىلىك ارتا بەرەدى.

تيىمدىلىككە جەتەلەيتىن ادەتتى ءسىڭىرىپ وتىرۋ ماڭىزدى. ەگەر ءار ماسەلەدەن ورەڭىزدى وسىرەتىن قيىندىق كورسەڭىز، ونى ورىنداۋعا بارىڭىزدى سالىڭىز. وزىڭىزگە ءوزىڭىز «مەن مۇنى ىستەي الامىن!» دەگەن ۇستانىم بەرىڭىز. كىرگە ءار توقسان سايىن سالماق قوسىپ وتىرۋى كەرەك. جەڭىل دۇنيە وسىرمەيتىنىن ۇمىتپاعايسىز. قيىندىقپەن رۋحاني جەتىلۋ كەلەدى. رۋحاني وسكەن ادامنىڭ قايراتى مەن جىگەرى ەسەلەنىپ وتىرادى.

مەن قينالدىم دەپ ەشكىمگە ەشقاشان ايتپاڭىز. قيىندىق ءۇشىن تاڭىرگە العىس ايتىڭىز. قيىندىقپەن ادام جەتىلە تۇسەدى. بەرىلگەن تۇيتكىل ءسىزدىڭ رۋحىڭىزدى مىقتى، قۋاتتى ەتە تۇسەتىنىنە سەنىڭىز. سول جاتتىعۋلاردان ءلاززات الىپ ۇيرەنسەڭىز ساۋاپ. جىلدار وتە كەلە سول قاجىر- قايراتتىڭ تەككە كەتپەگەنىن، ءسىزدىڭ مەنىڭىزدى وسىرگەنىنە كوزىڭىز انىق جەتەدى.

جاتتىعۋعا قارسىلىق بىلدىرمەڭىز.

dalanews.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات