قازاقستاندىق ارتىستەر پرەزيدەنتتى ماقتان تۇتادى - قىدىرالى بولمانوۆ

استانا. قازاقپارات - قازاقستاندىق بەلگىلى ءانشى ءارى پروديۋسەر قىدىرالى بولمانوۆ نۇرسۇلتان نازاربايەۆتى قازاقستان رەسپۋبليكاسى پرەزيدەنتى لاۋازىمىنا كىرىسۋىمەن شىن جۇرەكتەن قۇتتىقتادى.

ونىڭ ايتۋىنشا، پرەزيدەنتتى ۇلىقتاۋ كۇنىن مەرەكە دەۋگە بولادى. نۇرسۇلتان نازاربايەۆ قازاق مۋزىكالىق مادەنيەتىنىڭ قالىپتاسىپ، دامۋىنا ولشەۋسىز ۇلەس قوسقان ادام.

 سونىمەن قاتار، ق. بولمانوۆتىڭ ايتۋىنشا، مەملەكەت باسشىسى كەيبىر وتاندىق ارتىستەردىڭ ءوزى بىلە بەرمەيتىن حالىق اندەرىنىڭ ماتىندەرىن جاتقا ايتادى.

«پرەزيدەنت بارلىق حالىق اندەرىن وتە جاقسى بىلەدى. ماسەلەن، مەرەكەلەردە ول قازاق انشىلەرىنە قانداي دا ءبىر ءاندى ايتىڭدار دەپ ءوتىنىش جاساعاندا، كەيبىرەۋى ءاننىڭ سوزدەرىن ەستەرىنە تۇسىرە الماي قالادى. ال نۇرسۇلتان نازاربايەۆ ءبارىن ءبىلىپ، ايتىپ وتىرادى. سوندىقتان دا ول ءبىزدىڭ تۋعان مادەنيەتىمىزگە ەڭ قانىق ادام دەپ ەسەپتەيمىن. سول ۇشىندە دە ءبىز، ونەر ادامدارى، پرەزيدەنتىمىزدى ماقتان تۇتامىز»، - دەيدى ق. بولمانوۆ.  

 اۆتور:   ءابۋ- اسقار مەكەش ۇلى