تاريحي تۇلعالاردى تىعىرىقتان شىعارعان جاۋاپتار

نۇر-سۇلتان. قازاقپارات - كەيدە تەلەديداردان ءازىل- قالجىڭعا ارنالعان ءتۇرلى شوۋلاردى كورىپ، ءازىل ايتۋعا جۇرەكسىنىپ قالاتىنىمىز بار.

وزگە بىرەۋ قيسىنسىز سۇراق قويعان كەزدە، جاۋاپ بەرە الماي، قولايسىز جاعدايعا تاپ بولىپ تا جاتامىز. ال مۇنداي جاعدايلاردان تاريحي تۇلعالار قالاي شىقتى ەكەن؟ ولاردىڭ ءساتسىز جولدانعان سۇراقتارعا بەرگەن تاپقىر جاۋاپتارىنا توقتالىپ وتسەك.

1. كەلۆين كۋليدج vs اق ۇيدەگى كەشكى استىڭ قوناعى

قوناق: كۋليدج مىرزا، مەن دوسىممەن ءسىزدى اڭگىمەگە تارتا الامىن دەپ باستەستىم. ءسىز شىنىمەن سوزگە شورقاقسىز با؟

كۋليدج: ءسىز جەڭىلدىڭىز.

2. وسكار ۋايلد vs ليۋيس مورريس

مورريس: ماعان قارسى قاستاندىق ۇيىمداستىرىلىپ جاتىر. ۇنسىزدىك قاستاندىعى. ەندى مەن نە ىستەۋىم كەرەك؟

ۋايلد: قوسىلىڭىز.

3. ۋينستون چەرچيلل vs بەرنارد شوۋ

شوۋ: مەن ءسىز ءۇشىن پرەمەراعا ەكى بيلەت الىپ قويدىم. وزىڭىزبەن بىرگە دوسىڭىزدى دا ەرتە كەلىڭىز. دوسىڭىز بولسا، ارينە.

چەرچيلل: پرەمەراعا بارا المايمىن. ءبىراق كەلەسى سەانسقا بارامىن. ەگەر ول بولسا، ارينە.

4. ۋينستون چەرچيلل vs بەسسي برەددوك

بەسسي برەددوك: ۋينستون، ءسىز ماسايىپ قالىپسىز عوي.

چەرچيلل: ال ءسىز ۇسقىنسىزسىز. مەن ەرتەڭ وزىمە كەلەمىن. ءبىراق ءسىز سول كۇيى قالاسىز.

5. ۆولفگانگ امادەي موتسارت vs جاس مۋزىكانت

جاس مۋزىكانت: موتسارت، مەن سيمفونيا جازۋدى ويلاپ ءجۇرمىن. ونى قالاي باستاۋ كەرەك ەكەنىن ايتىپ جىبەرەسىز بە؟

موتسارت: سيمفونيا - وتە كۇردەلى مۋزىكالىق فورما. وڭاي قۇرىلىمنان باستاڭىز. سوسىن بىرتىندەپ سيمفونيا جازۋعا ۇيرەنىڭىز.

جاس مۋىزكانت: ءبىراق، موتسارت، ءسىز 8 جاسىڭىزدان سيمفونيا جازدىڭىز ەمەس پە؟

موتسارت: ءيا، ءبىراق مەن ونى ەشكىمنەن سۇراماعان ەدىم.

6. ميريام حوپكينس vs انونيمدى ورىنداۋشى

ءانشى: بىلەسىز بە؟ مەن داۋىسىمدى 50 مىڭ ا ق ش دوللارىنا ساقتاندىرىپ قويدىم.

حوپكينس: كەرەمەت. ال داۋىسىڭىز سول سوماعا تۇرارلىق پا؟

7. يلكا چەيز vs بەلگىسىز اكتريسا

اكتريسا: ماعان ءسىزدىڭ كىتابىڭىز وتە ۇنادى. ونى سىزگە كىم جازىپ بەردى؟

چەيز: سىزگە ۇناعانىنا قۋانىشتىمىن. ال ونى سىزگە كىم وقىپ بەردى؟

8. دجەيمس ماكنەيل ۋيستلەر vs وسكار ۋايلد

(ۋيستلەردىڭ ازىلىنەن كەيىن)

ۋايلد: بۇل ءازىلدى مەن ايتايىن دەگەنمىن.

ۋيستلەر: ايتارسىز، وسكار، مىندەتتى تۇردە ايتارسىز.

9. ەرنەست حەمينگۋەي vs ۋيليام فولكنەر

فولكنەر: ەرنەست، مەن وقىرمان تۇسىنبەي قالاتىن ەشبىر ءسوزدى قولدانبايمىن.

حەمينگۋەي: بايعۇس فولكنەر. ءسىز، راسىندا، كۇشتى ەموتسيانى اقىلدى سوزدەردەن شىعادى دەپ سەنەسىز بە؟

10. روبەرت بەنچلي vs فورماداعى ادام

بەنچلي: كەشىرىڭىز، ماعان تاكسي شاقىرىپ بەرە الاسىز با؟

فورماداعى ادام: مەن سىزگە قىزمەتكەر ەمەسپىن. مەن اسكەري تەڭىز فلوتىنىڭ ادميرالىمىن.

بەنچلي: ادميرال؟ وندا كرەيسەر شاقىرىڭىز!

11. نيلس بور vs ءتىلشى

(بور ۇيدەگى ەسىگىنىڭ ۇستىنە تاقا قاعىپ جاتقان ەدى)

ءتىلشى: ءسىز وسى تاقانىڭ ساتتىلىك الىپ كەلەتىنىنە سەنەسىز بە؟

بور: ارينە، جوق. ءبىراق مەن وعان سەنبەيتىندەرگە دە باق الىپ كەلەتىنىن ەستىگەنمىن.

12. اۆراام لينكولن vs شەتەلدىك ەلشى

(لينكولن بولمەسىندە ءوزىنىڭ اياق كيىمىن تازالاپ جاتقان ەدى)

ەلشى: لينكولن مىرزا، ءسىز باتەڭكەڭىزدى ءوزىڭىز تازالايسىز با؟

لينكول: ءيا، ال ءسىز كىمنىڭ اياق كيىمىن تازالايسىز؟

13. فرەنك زاپپا vs شوۋمەن دجو پاين

پاين: شاشىڭىز ۇزىن بولعانى ءسىزدى قىزعا ۇقساتىپ جىبەرىپتى.

زاپپا: ال ءسىزدىڭ اعاش اياعىڭىز ءسىزدى ستولعا ۇقساتىپ جىبەرىپتى.

massaget.kz