+7 (701) 759 90 19
-11 °С : نۇر-سۇلتان
-4 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

كوكجالدىڭ كەگى

4 جەلتوقسان 18:28
:ءبولىسۋ
كوكجالدىڭ كەگى

نۇر-سۇلتان. قازاقپارات - بۇگىنگى اڭشىلىق ساپارىم وتە ءساتتى ءوتتى. تاڭەرتەڭ- اق قاسقىردىڭ اپانىن وڭاي تاۋىپ الدىم. ەكى بولتىرىگىن ويناتىپ وتىرعان قاسقىرعا بىردەن كوزىم ءتۇستى.

كوپ ويلانباستان قاسقىردى اتىپ تاستادىم. سويتكەنشە بولتىرىكتەرىن ءيتىم جايراتىپ سالىپتى...

ۇيگە كەلە سالا، مەن ايەلىمە ەش قينالماي العان ولجامدى ايتىپ، ماقتانا ءتۇستىم. سول كەزدە الىستان قاسقىردىڭ ۇلىعان داۋىسى قۇلاعىما كەلدى. ءبىراق، بۇل داۋىس ادەتتەگى ۇلۋشى قاسقىرلاردىڭ داۋىسىنان ەرەكشە بولدى. قۇلاقتى كەرنەگەن داۋىستان مۇڭ مەن ساعىنىش لەبى سەزىلگەندەي بولدى...

كەلەسى كۇنى قاتتى ءارى ءتاتتى ۇيقىمدى سىرتتان ەستىلگەن دىبىس بۇزدى. مەن ۇيدەن جان ۇشىرا جۇگىرىپ شىقتىم. سىرتتاعى كورىنىس ماعان قاتتى اۋىر ءتيدى. تابالدىرىقتان اتتاي الماي، سىلەيىپ تۇرىپ قالدىم. ءدال ەسىگىمنىڭ الدىندا ۇلكەن قاسقىر تۇردى. ءيتىم بولسا، بايلاۋىنان قانشا ۇمتىلسا دا ءجىبىن ۇزە الماپتى. ەڭ قورقىنىشتىسى - اشۋلى، ءارى مۇڭلى كوكجالدىڭ جانىنان كىشكەنتاي عانا قىزىمدى كورۋىم ەدى. ول قاسقىردىڭ بىرەسە قۇلاعىنان، بىرەسە قۇيرىعىنان تارتىپ ويناپ ءجۇر ەكەن. مەن نە ىستەرىمدى بىلمەي قاتتى ساستىم. قىزىم - ءوزىنىڭ ءيت ەمەس قاسقىرمەن ويناپ تۇرعانىن بىلمەگەندىكتەن، سەسكەنەر ەمەس. اۋزىما: « قىزىم!» - دەگەن ءسوزدى الۋعا شامام كەلمەي، قول- اياعىم دىرىلدەپ، ۇرەيىم ۇدەيە ءتۇستى.

ومىرىمدە ءبىرىنشى رەت - قاسقىرمەن كوزبە- كوز كەزدەسىپ تۇرمىن. ونىڭ قىپ- قىزىل اشۋلى كوزدەرىنەن، كەشەگى مەن اتىپ الىپ كەلگەن قاسقىردىڭ ارلانى ەكەنىن بايقاۋ - قيىن ەمەس ەدى.

مەن بىردەن: « قىزىما تيىسپە، ودان دا - مەنى ءولتىر» دەپ سىبىرلاي جونەلدىم. جانارىما جاس تولدى. مۇنى بايقاعان قىزىم: «اكە، سىزگە نە بولدى؟ « دەپ ويناپ تۇرعان قاسقىردىڭ قۇلاعىن جىبەرە سالا جانىما كەلدى. مەن قىزىمدى دەرەۋ قۇشاعىما الدىم. دەنەمنىڭ ءدىرىلى ءالى باسىلار ەمەس. ءسويتىپ تۇرعاندا قاسقىر كىلت بۇرىلىپ، جونىنە كەتە باردى. ماعان دا، قىزىما دا ەش زيان تيگىزبەي كەتتى... قانشىعى مەن بولتىرىكتەرىن ولتىرگەنىم ءۇشىن - ول مەنەن كەك الدى. ءبىراق، قانمەن ەمەس. ول ءوزىنىڭ مەنەن ارتىق، مەنەن مەيىرىمدى ەكەنىن كورسەتتى... ول ءوزىنىڭ ىشكى قايعىسى مەن مۇڭى ارقىلى - مەنىڭ بىرەۋدىڭ بالالارىن ولتىرگەنىمدى سەزدىردى.

سەيداحمەتتىڭ اي- نۇرى

Facebook-تەگى پاراقشاسىنان



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات