+7 (701) 759 90 19
-10 °С : نۇر-سۇلتان
-5 °С : الماتى
USD 421.98 EUR 511.61
RUB 5.61 CNY 65.27
جاڭالىقتار

قادىردىڭ قالجىڭدارى

3 جەلتوقسان 18:25
:ءبولىسۋ
قادىردىڭ قالجىڭدارى

نۇر-سۇلتان. قازاقپارات - اۆتوبۋس ايالداماسىندا ءبىر بوزبالا قادىر مىرزاليەۆكە كەلىپ:

- شىلىمىڭىز جوق پا؟ - دەپ سۇرايدى.

- شىلىم شەگۋگە ءالى جاسىم جەتكەن جوق، اينالايىن! - دەيدى ەلۋ مەن الپىستىڭ ارالىعىندا الشاڭداپ جۇرگەن اقىن.

* * *

- قادەكە، ۇنەمى كەشىگىپ جۇرەدى دەپ تاڭعالماڭىز! بۇل جولى بەس- اق مينۋت كەشىكتىم! - دەيدى ماشيناسىمەن كەلگەن ءبىر ءىنىسى.

- ونىڭ نەسىنە تاڭعالامىن؟! وعان ۇيرەنگەنمىن.. . ەگەر سەن بەس مينۋت كەشىكپەي، بەس مينۋت بۇرىن كەلگەنىڭدە تاڭعالۋىم مۇمكىن ەدى! - دەيدى قادىر اعاسى.

* * *

- مەن وسى كوتەرىلۋدەن قورىقپايمىن، تومەندەۋدەن قورقامىن! - دەيدى شوتا ءۋاليحانوۆ بيىك توبەدەن ءتۇسىپ كەلە جاتىپ.

- وعان تاڭعالۋعا بولمايدى، - دەيدى قادىر مىرزاليەۆ.

- بۇل جالعىز سىزگە عانا ەمەس، بۇكىل تورەلەرگە ءتان اۋرۋ!

* * *

ساۋىق كەشى ءوتىپ جاتادى. قىزىڭقىراپ قالعان ونەرپاز جىگىتتەر ءبىر- بىرىنە قاتتى ءتيىسىپ، قالجىڭداسىپ وتىرادى. سولاردىڭ ىشىندە باسقالارىنان گورى كوبىرەك سىلتەڭكىرەپ العان بىرەۋى:

- ءسىزدىڭ ءبىراز ولەڭىڭىز ايتىلدى. ءبىراق بايقايمىن، ءسىزدىڭ سوزىڭىزگە بىردە- ءبىر باۋىرىڭىز ءان شىعارماپتى، - دەيدى اعايىنداردىڭ اراسىنا ادەيى وت سالا سويلەپ.

- راس، - دەيدى قادىر مىرزاليەۆ، اڭگىمەنى الگى جىگىتتىڭ وزىنە باعىشتاپ، - مەنىڭ باۋىرلارىم ءان شىعارعاننان گورى بۇلىك شىعارعاندى كوبىرەك ۇناتادى.

* * *

مەرزىمدى باسپا سوزدە كوپ ايەل الۋ ماسەلەسىنىڭ ءجيى كوتەرىلىپ جاتقان كەزى بولسا كەرەك، تالاي ازاماتپەن كوڭىلدەس بولىپ، اتى شىققان ايگىلى كەلىنشەك ازىلدەگەنسىپ:

- جاقسى! كوپ ايەل الۋعا ءوزىم قارسى ەمەسپىن. ءبىراق وعان كىمنىڭ قۇدىرەتى جەتەدى؟ ءسىز ءوزىڭىز، مىسالى، مەنى توقالدىققا الار ما ەدىڭىز؟ - دەيدى قادىر مىرزاليەۆتى مۇقاتپاق بولىپ.

- كىم ءۇشىن؟ - دەيدى اقىن ويلانىپ جاتپاي- اق. كەلىنشەك قىپ- قىزىل بوپ كەتەدى.

* * *

دراماتۋرگ اكىم تارازي پەساسىنىڭ العاشقى قويىلىمىنان كەيىن، ەڭ جاقىن دەگەن دوس- جولداستارىن ۇيگە شاقىرادى. ادام كوپ، كولىك از، ماشيناعا التى- جەتى ادامنان وتىرىپ، اركىم ءوز كەلىنشەگىن الدىنا الۋعا ءماجبۇر بولادى. ايەلسىز بارعان ءبىر جاس جىگىت قادىر مىرزاليەۆكە:

- قالاي، قادەكە؟ جەڭگەمىز اۋىر ەمەس پە؟! - دەيدى. - مۇمكىن كومەك كەرەك شىعار؟!

- جوق، اينالايىن! ايەلدىڭ سالماعى ارقاعا تۇسپەيدى، قالتاعا تۇسەدى! - دەپ جاۋاپ بەرەدى قادىر اعاسى. - بۇل سالماعىن ءوزىم- اق كوتەرەم! كومەكتەسەم دەسەڭ، قالتا جاعىنان كومەكتەس!

دايىنداعان جۋاباي تاشەنوۆ، سۋرەتتى سالعان نۇرلان تازابەكوۆ

«ايقىن»



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات