+7 (701) 759 90 19
-8 °С : نۇر-سۇلتان
-6 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

ءمىرجاقىپ دۋلات ۇلى. «وۆ» تۋرالى

30 قاراشا 18:01
:ءبولىسۋ
ءمىرجاقىپ دۋلات ۇلى. «وۆ» تۋرالى

نۇر-سۇلتان. قازاقپارات - گازەت، جۋرنالدارىمىزدا كوبىنەسە «ۇلى»، «بالاسى»، «قىزى» دەگەننىڭ ورنىنا «وۆ»، «وۆا» جازىلادى.

بۇل قازاق تىلىندە بولماعان سەبەپتى، قۇلاققا ءتىپتى ەرسى ەستىلەدى، «وۆ»، «ەۆ»، «ين»، «وۆا» - لار جالعىز-اق ورىس حالقىندا بار دەپ ايتۋعا بولادى، باسقا ەۆروپا حالىقتارىندا دا جوق، بىزدەن وزگە پاتشالى مۇسىلمانداردا دا جوق.

بۇلاردى ورىستان كورىپ ەلىكتەۋىمىز ورىنسىز، باسقا جۇرتتىڭ سوزدەرىنىڭ قۇيرىعىن اكەلىپ ءوز سوزىمىزگە تاعۋدىڭ قانشا قاجەتى بار. «وۆ» - تاردى ورىسشا جازعاندا قولدانساق تا، قازاقشا «ۇلى»، «بالاسى»، «قىزى» دەپ جازۋىمىز كەلىسپەي مە. مۇنان بىلايعا جۇرتقا ونەگە بەرەتىن گازەت- جۋرنالدارىمىز مۇنى ەسكەرسە، قانداي جاقسى بولار ەدى، قيىندىعى دا بولماس ەدى.

ستۋدەنت ىدىرىس ورازالى ۇلى.

باسقارما.

- ءبىز ىدىرىس مىرزانىڭ بۇل پىكىرىن ماقۇل كورەمىز، مۇنى ەلەۋسىز تاستاماسقا ءىجتيحاد ەتەرمىز. بۇل تۋرالى ايتارلىق بىرەر ءسوز بار. ءبىزدىڭ قازاق فاميليا ورنىنا ءوز اكەسىن اتاسا، «وۆ»، «ين»، «وۆا»، «نا» ورنىنا «ۇلى»، «قىزى» دەپ جازۋدا ىڭعايسىزدىق جوق. «ىدىرىس ورازالى ۇلى» دەگەن سەكىلدى. ال، جۇرتتىڭ كوبى فاميليا ورنىنا ۇلكەن اكەسىنىڭ ءيا باباسىنىڭ، اتىن جازادى، مىسالى: «ءاليحان نۇرمۇحامبەت ۇلى بوكەيحانوۆ» دەگەن سەكىلدى. مۇندايدا «نۇرمۇحامبەت ۇلى» دەۋ ىڭعايلى بولسا دا، «بوكەيحان ۇلى» دەپ اتاسىنىڭ ۇلى قىلىپ جازۋدىڭ رەتى كەلمەسە كەرەك. «ءاليحان بوكەيحان» دەسە رەتكە كەلىڭكىرەر ەدى. «بوكەيحان» دەگەن رۋىن اتاعانداي بولار ەدى. اتىعاي، قاراۋىل، ايدابول، قاراكەسەك دەگەن سەكىلدى. قازاقتىڭ رۋىنىڭ ءوزى ورىستىڭ فاميلياسىنا تۋرا كەلەدى عوي.

ەندى، ءبىر ايەل اتىن الايىق: «ءنازيفا ساعىزباي قىزى قۇلجانوۆا» دەگەندە، «قۇلجان» دەۋىمىز ءھام «نۇرعالي قۇلجانوۆ» دەگەندە دە «قۇلجان» دەۋىمىز، ياعني ايەلدىڭ دە، ەركەكتىڭ دە فاميلياسىن ءبىر قالىپتا اتاۋىمىزدىڭ ىڭعايسىزدىعى بولماس پا؟ جانە دە مۇندايدا «ۇلى»، «قىزى» دەلىنبەي، اكەسىنىڭ اتىن قالدىرىپ «نۇرعالي قۇلجان»، ءيا «ءنازيفا قۇلجان» دەپ جازساق، جاي ەكى كىسى ات الىپ تۇرعان سەكىلدى بولادى ءھام ىلگەرى- كەيىن تۇرعاننان بىلىنبەسە، ارالاسقاندا قايسىسى ءوز اتى، قايسىسى فاميلياسى ەكەندىگى بىلىنبەي قالسا كەرەك.

فاميليانى جوعارعى ايتقانداي قىلىپ قالدىرامىز با، جوق، باسقا ءبىر ىڭعايلىسىن تابۋعا بولار ما، وقۋشىلار، نە ايتاسىزدار؟

«قازاق» گازەتى، 1915 - جىل №121.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات