عالىمدار قۇمىرسقالاردىڭ تازالىعىنا ءتانتى بولدى

نۇر-سۇلتان. قازاقپارات - قۇمىرسقالاردىڭ ءبىر تارتپكە باعىنىپ، يلەۋىن تازالىقتا ۇستايتىنى بۇعان دەيىن دە بەلگىلى. الايدا، عالىمداردىڭ سوڭعى زەرتتەۋلەرىندە ولاردىڭ يلەۋىندە دارەتحانا ارنالعان ورىن دا بار ەكەنىن انىقتادى، دەپ جازادى «ۆەستي. رۋ».

دوكتور تومەر تساتسكەس پەن رەگەنبۋرگ ۋنيۆەرسيتەتىنىڭ عالىمدارى قۇمىرسقالاردىڭ تىرشىلىگىن زەرتتەپ، ولاردىڭ يلەۋىنىڭ ىشكى قۇرىلىسىنا باقىلاۋ ورناتادى. عالىمدار عىلىمي جۇمىس بارىسىندا قۇمىرسقالاردىڭ «دارەتحانا» بولمەسىنە باراتىنىن انىقتاپ، ءتانتى بولادى.

جاندىكتەردىڭ قاجەتتىلىك ءۇشىن بەلگىلى ءبىر ورىنعا باراتىنىنا كوز جەتكىزە ءتۇسۋ ءۇشىن عالىمدار ارنايى تاجىريبە جۇرگىزدى. زەرتحانادا اق گيپستەن يلەۋ جاساپ، قۇمىرسقالاردى قاداعالايدى. ولارعا كوك نەمەسە قىزىل تۇسپەن بويالعان قورەك بەرەدى. ەكى ايدان سوڭ زەرتتەۋشىلەر ءار ۇياداعى ءبىر نەمەسە ەكى بۇرىشتىڭ «قاجەتتىلىك» بولمەسىنە ارنالعانىن بىلەدى.