استانادا «ەتنوساياسي سوزدىكتىڭ» تۇساۋى كەسىلدى
3 اقپان 16:45

استانادا «ەتنوساياسي سوزدىكتىڭ» تۇساۋى كەسىلدى

استانا. قازاقپارات - بۇگىن قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا قازاقستان حالقى اسسامبلەياسىنىڭ عىلىمي- ساراپتامالىق كەڭەسى ق ر مادەنيەت جانە سپورت مينيسترلىگىنىڭ قولداۋىمەن باسپاعا دايىنداعان «ەتنوساياسي سوزدىكتىڭ» تۇساۋكەسەرى ءوتتى.

«ءبىز بۇگىندە ەسكى عىلىمي ادىستەمەدەن جاڭا زاماناۋي داۋىرگە وتتىك دەپ ايتۋعا بولادى. دەگەنمەن، ازىرگە ءاربىر تۇسىنىك پەن ساناتتاردى اركىم ءارقالاي ءتۇسىنىپ ءارى ءتۇسىندىرىپ ءجۇر. بۇل تۇرعىدا كەيبىرەۋلەر كەڭەستىك ادىستەمەنى العا تارتسا، ەندى بىرەۋلەر باتىستىق ستاندارتتارعا جۇگىنەدى. بۇلاردىڭ ەكەۋى دە قازىرگى قازاقستاندىق قوعامعا كەلە بەرمەيدى. وسى جانە باسقا دا سەبەپتەردى ەسكەرە وتىرىپ، ءبىز، ياعني سوزدىكتىڭ اۆتورلار ۇجىمى، قازىرگى قوعامنىڭ شىنايى بەت-بەينەسىن ناقتى كورسەتە الاتىن ەتنوساياسي تەرميندەردى زاماناۋي ادىستەمەمەن تۇسىندىرۋگە تىرىستىق»، - دەيدى «ەتنوساياسي سوزدىك» جوباسىنىڭ عىلىمي جەتەكشىسى، الەۋمەتتانۋ عىلىمدارىنىڭ دوكتورى ايگۇل ءسادۋاقاسوۆا.

ونىڭ ايتۋىنشا، سوزدىكتى جاساۋعا ءارتۇرلى سالادان 10 شاقتى عىلىم دوكتورى قاتىسقان.

«جوبانى جاساۋعا فيلولوگ، الەۋمەتتانۋشى، تاريحشى، ساياساتتانۋشى، زاڭگەر سياقتى 10 شاقتى عىلىم دوكتورلارى قاتىستى. ءتۇرلى ماسەلەلەردى ءار قىرىنان قارۋعا تىرىستىق. ناتيجەسىندە، سوزدىككە 200 ءسوز قازاق تىلىندە، تاعى 200 ءسوز ورىس تىلىندە ەنگىزىلىپ، جان-جاقتى تالقىلاندى. سونداي-اق، سوزدىككە ەلىمىزدەگى يۋارلىق ەتنوستار تۋرالى قىسقاشا انىقتامالىق ەنگىزىلىپ، ولاردىڭ سانى، قايدا تۇراتىنى، ءتىلى، ءدىنى تۋرالى تولىق مالىمەتتەر بەرىلدى»، - دەيدى عالىم.

اتالعان ەڭبەك گۋمانيتارلىق عىلىم ماماندارىنا، عالىمدار مەن ساراپشىلارعا، مەملەكەتتىك قىزمەتكەرلەرگە جانە ەتنوسارالىق قارىم-قاتىناس سالاسىنا قىزىعۋشىلىق تانىتاتىن بارلىق وقىرماندارعا ارنالعان.

ايتا كەتەيىك، شارا بارىسىنلا ق ح ا ع س ك مۇشەلەرى مەن ق ر پرەزيدەنتى جانىنداعى «قوعامدىق كەلىسىم» ر م م قىزمەتكەرلەرىنىڭ عىلىمي ەڭبەكتەرى ق ر ۇلتتىق اكادەميالىق كىتاپحاناسىنداعى ق ح ا دەپوزيتارييىنە سالتاناتتى تۇردە تابىستالدى.

جاڭالىقتار