كوك شايدىڭ پايداسى بار ما؟

نۇر-سۇلتان. قازاقپارات - كوبىمىز قىستا اۋرۋعا بەيىم كەلەمىز. سەبەبى، سالقىن مەزگىلدە ادام اعزاسىنا قاجەتتى دارۋمەندەر مەن امينقىشقىلدارى جەتىسپەيدى.

ال ءبىزدىڭ ۇيقىلى- وياۋ، تۇنجىراپ، ماۋجىراپ ءجۇرۋىمىزدىڭ سەبەبى - كۇن شۋاعىنىڭ ازدىعى.

وسىنداي مەزگىلدە جاقسى كوڭىل- كۇي مەن سەرگەكتىكتى ساقتاۋ ءۇشىن كوك شايدىڭ كومەگىنە جۇگىنۋىمىز كەرەك.

بۇل سۋسىننىڭ ەمدىك قاسيەتى ەجەلگى قىتايدا انىقتالعان ەدى. ءتىپتى، قىتايلىقتاردىڭ ءجۇز جىل جاساۋىنىڭ سەبەبى كوك شاي ىشۋىندە دەپ سانالعان ەكەن.

كوك شاي - جۇمساق، اۋىز قۋىراتىن اسەرى، مول پايداسى بار سۋسىن. ول اعزادان ءزاردى شىعارىپ، اسقازاندى، ىشەك پەن بۇيرەكتى تازارتادى.

سونىمەن قاتار، كوك شاي اعزانى جاسارتادى ەكەن. كۇنىنە 2-3 كەسە كوك شاي ىشسەڭىز، قارتايۋ ۇدەرىسىن باسەڭدەتەسىز.

كوك شايدىڭ قۇرامىندا ليمون مەن اپەلسينگە قاراعاندا دارۋمەندەر 4 ەسە كوپ. ياعني كوك شايدىڭ يممۋنيتەتتى نىعايتۋعا كومەگى مول.

بۇل سۋسىننىڭ باستى قاسيەتتەرىنىڭ ءبىرى - سەرگىتۋ. كوك شاي - ميدىڭ قان اينالىمىن جاقسارتاتىن، ونى اۋامەن قامتاماسىز ەتەتىن جانە كۇيزەلىستەن ارىلۋعا كومەكتەسەتىن ەرەكشە سۋسىن. سونداي- اق ەستە ساقتاۋ قابىلەتىن دە قالىپقا كەلتىرۋگە كومەكتەسەتىن قاسيەتى بار.

دەمەك، كوك شاي سۋىق مەزگىلدە قورعانۋعا، كوڭىل- كۇيدى كوتەرۋگە، تەز شارشاماۋعا كومەكتەسەتىن سۋسىن.