ىستامبۇل جايلى ون دەرەك
ماقساتى - تۇرىك ەلىنىڭ مۋزەي ىسىمەن تانىسىپ، تاجىريبە جيناۋ. وزگە قالاداعى وزگەشەلىكتەر وعان ەرەكشە اسەر ەتىپ، قالام تەربەۋگە سەبەپ بولعان.
1. قالا كوشەلەرى وتە تار. ەلوردامىز استانامەن سالىستىرعاندا 3-4 ەسە كىشكەنتاي. ءبىراق، ءبىر قىزىعى، كوشەدە كولىك كەپتەلىسى جوق.
2. ىستامبۇلدا ادام مەن كولىك سانى بىردەي. كولىكتەر اۋەلى جۇرگىنشى جولىنان ادامداردى وتكىزىپ جىبەرەدى. جانە بىزدەگىدەي ءبىر- بىرىنە سيگنال بەرىپ، جانىنان بالاعاتتاپ ءوتىپ، باسىپ وزىپ كەتىپ جاتقانداردى مۇلدە كورمەيسىز.
3. ءدارىحانالارىندا ەم جاسايتىن ارنايى ورىندار بار. ءدارى ساتىپ العان بەتتە سول جەردەگى بىلىكتى ماماندار سىزگە ەم جاساپ بەرۋگە دايىن. ءوزىم اۋىرىپ، ءدارىحاناعا بارعانىمدا ءبىر قىرعىز كەلىنشەگى ەم جاساپ بەردى.
4. كوشەدە مىسىقتان اياق الىپ جۇرە المايسىز. اسىرەسە، بوسفور جاعالاۋىندا بالىق جەپ، كۇنگە قىزدىرىنىپ جاتقان مىسىقتاردىڭ كوپتىگىنە تاڭداندىم. تۇرعىنداردىڭ تەڭىز جاعالاۋىنداعى مىسىقتارعا تاماق اكەلىپ بەرىپ جاتقاندارىن كوردىم. بويلارىنان مەيىرىم سەزىلەدى.
5. كوشەدە ءبىر عانا ادامنان كومەك سۇراساڭىز، ءوتىپ بارا جاتقانداردىڭ بارلىعى قورشاپ الىپ، جان- جاقتان جول سىلتەيدى. ءبارىنىڭ دە كومەكتەسكىسى كەلىپ تۇرادى. ءتىپتى، كەيبىرەۋلەرى جارتى جولعا دەيىن بىرگە ەرتىپ اپارادى.
6. قالادا ءاربىر 50-100 مەتر سايىن مەشىت بار.
7. ءبىر تۇرعىن ءۇيدىڭ جانىندا 1-2 قوناق ءۇي، 1 مەشىت، 5-6 اسحانا، 10 شاقتى دۇكەن بار. دۇكەن، اسحانا، قوناق ۇيلەردىڭ ەسىك الدىندا جارناما جاساپ تۇراتىن ارنايى ادامدارى بار. تىلمەن مايدالاپ، ءسىزدىڭ قالاۋىڭىزدى تاۋىپ، اسحاناسىنا نەمەسە دۇكەندەرىنە كىرگىزىپ الادى. مازىردەگى باعانى دا ءتۇسىرىپ، نەبىر جەڭىلدىكتەر جاسايدى. باستىسى، العاشقى 2 كەسە شاي تەگىن.
8. حالقى وتە سابىرلى. اسىعىپ كەتىپ بارا جاتقان جاندى كەزدەستىرۋ وتە قيىن.
9. ىستامبۇلدىقتار وتە قاراپايىم كيىنەدى. بىزدەگىدەي بىرەۋدەن اسىپ تۇسسەم دەگەن پيعىل بايقالمايدى.
10. جەرگىلىكتى حالىق انا تىلدەرىن قاتتى قۇرمەتتەيدى. تۇرىكشە بىلمەيتىن تۇرىكتى كەزدەستىرە المادىم. وعان قوسا، اعىلشىن، فرانسۋز، نەمىس، يسپان، ورىس تىلدەرىن ەپتەپ بولسا دا بىلەدى. تۋريستەرمەن تىلدەسۋ ءۇشىن بارىن سالادى.
massaget.kz