كوڭىل قالاۋى - كۇلكى

نۇر-سۇلتان. قازاقپارات - ەكى بولمەلى ۇيدە ءبىر مىسىق تىشقانداردىڭ مازاسىن الا بەرەدى. ونداي مازاققا شىداي الماعان تىشقاندار جينالىس جاساۋدى ۇيعارادى.

سوندا تىشقاننىڭ بىرەۋى مىسىقتىڭ موينىنا شىلدىرماق تاعىپ قويسا، ونىڭ كەلە جاتقانىن الدىن الا ءبىلىپ قوياتىندارىن ايتادى. بۇل ۇسىنىسقا بارلىعى ءبىراۋىزدان كەلىسەدى. سوندا اراسىنداعى ەڭ ۇلكەنى:

- ال ەندى قايسىسىڭ مىسىقتىڭ موينىنا شىلدىرماق تاعاسىڭدار؟ - دەگەن ەكەن.

***

ءبىر ۇرى اۆتوبۋستا ەگدە جاستاعى ادامنىڭ قالتاسىنا ءتۇسىپ جاتىپ، ۇستالىپ قالادى:

- ەۋ.. . كورگەنسىز، سۇمدىق قوي مىناۋىڭ! مەنىڭ قالتامدا نەڭ بار؟ بەيشارا ۇرى.. .

- ءوزىڭ بەيشارا، وسىمەن ءۇشىنشى قالتاڭدى اقتارىپ جاتىرمىن، كوك تيىنىڭ جوق، - دەگەن ەكەن.

***

- دوستىم، ەكى قۇلاعىڭا نە بولعان؟ ءابىرجىپ كەتىپتى عوي.

- وي.. . كيىم ۇتىكتەگەم، سوسىن تەلەفون شىرىلداپ قالىپ.. .

- ءيا، سودان؟

- ودان كەيىن نە بولسىن؟ تەلەفوننىڭ ورنىنا ۇتىككە «اللو» دەدىم.

- ااا.. . باسە. ال ەكىنشى قۇلاعىڭا نە بولدى؟

- جەدەل جاردەم شاقىرايىن دەگەم.

***

قىزى جىگىتىنەن سۇراپ جاتىر:

- وسى رونالدو قاي كوماندادا وينايدى؟

- «رەال مادريد».

- قوي. قايداعى، الگىندە عانا پورتۋگاليا قۇرامىندا ويناپ جۇرەدى عوي؟

***

ءنومىرى 44- مەكتەپتە الگەبرا ساباعى بولىپ جاتادى. مۇعالىم تاقتاعا X + Y=∞؛ فورمۋلاسىن جازادى. كەنەتتەن مۇعالىم ساباقتا شۋلاپ وتىرعان ءبىر وقۋشىنى تۇرعىزىپ تۇرىپ، تەڭدەۋدى ماتەماتيكا تىلىمەن وقىپ بەرۋىن تالاپ ەتەدى. سوندا ويىندا ەشنارسەسى جوق بالا: « - يكس پەن يگريك قوسىلىپ، سەگىزدى ۇرادى. سودان سەگىز شوشىنعاننان قۇلاپ قالعان»، - دەپ جاۋاپ بەرگەن ەكەن.

massaget.kz