جيىرمانشى عاسىرداعى ەڭ مىقتى تاپانشا - فوتو
كەڭەس وداعىنىڭ وزىندە عانا بۇل تاپانشانىڭ 2 ميلليون داناسى شىعارىلعان ەكەن. بۇل - التى اتار تەحنيكاسىنىڭ بارلىق قىر-سىرىن بويىنا جيناعان امبەباپ تاپانشا. كەڭەس اسكەرلەرىن قارۋلاندىرۋدا ءوز ورنىن بەرمەگەن. 60 جىلدان استام ۋاقىتتا الەمدىك قارۋ-جاراق نارىعىنان تۇسپەگەن تاپانشانىڭ ۇلگىسى ءوز كەزىندە وتە ءساتتى شىققان. سوۆەتتىك وفيتسەرگە دە، قۇقىق قورعاۋشى قىزمەتكەرگە دە، ارنايى شاعىن بولىمشەلەرگە دە ىڭعايلى ەتىپ جاسالعان. تەك 1990-جىلداردىڭ ورتاسىندا عانا ماكاروۆ تاپانشاسىنىڭ ورنىنا يارىگين تاپانشاسى كەلدى.
شىعۋ تاريحى. كەڭەس وداعىندا 1945-جىلى 7,62 كاليبرلى ت ت (توكاريەۆ تاپانشاسى) تاپانشاسىنىڭ ورىن الماستىراتىن التى اتارلاردىڭ بايقاۋى وتكەن. بايقاۋ شارتتارى بويىنشا جاڭا تاپانشا ت ت التى اتارىنان اسىپ ءتۇسۋى قاجەت جانە 9-7,65 م م كاليبرلى بولۋى كەرەك ەكەن. نيكولاي فەدوروۆيچ ماكاروۆ ويلاپ تاپقان تاپانشا وسى بايقاۋدىڭ جەڭىمپازى اتانادى. 1947-جىلى تەك سۇلباسى جاسالىپ، 1948-جىلى جاڭا تاپانشانىڭ تولىق نۇسقاسى دايىن بولدى. 1949-جىلى يجيەۆسك قالاسىندا شىعارۋدى باستادى. وسى جەردە 50 جىلدان استام ۋاقىت ءوندىرىلدى. كەڭەس اسكەرىن قارۋلاندىرۋ، ءى ءى م مەن مەملەكەتتىك قاۋىپسىزدىك ورگاندارى ءۇشىن 9 م م كاليبرلى ماكاروۆ تاپانشاسى 1951-جىلى بەرىلدى. 1952-جىلى يجيەۆسك مەحانيكالىق زاۋىتىندا تاپانشانىڭ تولىق ءارى جاپپاي ءوندىرۋ قارقىندى ءورىس الدى.
تاپانشا سىزباسى نەمىستىڭ Walther PP (Walther Polizei Pistole) تاپانشاسىنىڭ سىزباسىنا ۇقسايدى. ول تاپانشانىڭ بەكىتۋشى تەتىگىنىڭ ەركىن تەبىلۋ قاسيەتىمەن ەرەكشەلەنەتىن. وق قۋاتىنىڭ شەكتەۋلىلىگى قاتتى تەبىلىس زاڭىنان قورعادى. تاپانشانىڭ قورعاعىشىن (پرەدوحرانيتەل) اشىپ، شۇرىپپەسىن قايىرىپ، اتۋ ءۇشىن اشىق شۇرىپپە جاسالعان. بۇل ءبىر قولمەن اتۋعا كومەكتەسەدى. التى اتار نەبارى 25 بولشەكتەن تۇرادى، قاراپايىم قىزمەت كورسەتۋ جانە وڭدەۋ تاپانشاعا دەگەن سەنىمدىلىكتى ارتتىردى.
جاسالۋ بارىسى. ماكاروۆ تاپانشاسىن جاساۋ كەزىندە كۇنى-ءتۇنى دەمالىسسىز تاڭعى سەگىزدەن تۇنگى 2-3 كە دەيىن وتىرعان. كەيىننەن بۇل تاپانشانى «ورىس ۆالتەرى» دەپ اتاعان ەكەن. ماماندار، قىسقا قاشىقتىققا اتۋعا بۇل تاپانشادان اساتىن التى اتار جوق ەكەنىن دالەلدەگەن. ماكاروۆ تاپانشاسىنىڭ اۆتوماتتى جۇيەسى، قىسقالىعى، وزگە تاپانشالاردان الدەقايدا جوعارى. جاپپاي ءوندىرۋ كەزىندە رەسەيدە ماكاروۆ تاپانشاسىنىڭ ءار ءتۇرى پايدا بولدى: اسكەري، سپورتتىق، قىزمەتتىك، ازاماتتىق جانە دە گازدى تاپانشا. بۇعان قوسا، بۇل تاپانشانى تەك كەڭەس وداعىندا عانا ەمەس، شەت ەلدەردە دە شىعارا باستادى: ن د ر-دا «Pistole M» دەگەن اتپەن شىعارىلدى، سونىمەن قاتار قىتاي، چەحيا، بولگاريا، يۋگوسلاۆيا مەملەكەتتەرىندە دە كەڭىنەن تارالدى.
تاپانشا نارىقتا ۇلكەن سۇرانىسقا يە، سونىڭ ىشىندە ا ق ش-تا. ۇزىندىعى - 161 م م، بيىكتىگى - 127 م م، ۇڭعىسىنىڭ ۇزىندىعى - 93,5 م م. ماكاروۆ تاپانشاسى فينليانديادا «Glock17»، «CZ-85» جانە «Beretta 92F» سىندى دايىندىق-تاجىريبەلىك كۋرستارىنا مىندەتتى تاپانشا تورتتىگىنىڭ كوشىن باستايدى ەكەن. تاعى ءبىر قىزىقتى دەرەك، ماكاروۆ تاپانشاسى - عارىشتا بولىپ كەلگەن العاشقى قارۋ. «ۆوستوك» زىمىرانىنىڭ عارىشكەرلەرىنىڭ كەرەكتى زاتتار جيىنتىعىنىڭ قۇرامىندا بولعان ەكەن.
ماكاروۆ تاپانشاسىنا سيپاتتاما:
وق - 9х18 م م.
وق سالاتىن قوراپتىڭ وقپەن سالماعى - 0,81 كەلى، وقسىز سالماعى - 0,73 كەلى.
ۇزىندىعى - 161 م م، ەنى - 30,5 م م، بيىكتىگى - 126,75 م م.
ۇڭعىسىنىڭ ۇزىندىعى - 93 م م.
وق سالاتىن قوراپ 8 وققا ارنالعان.
كوزدەۋ شەگى - 50 م.
جىلدامدىعى - 30 اتىس/مين.
وقتىڭ ۇشۋ جىلدامدىعى - 315 م/س.
massaget.kz