كۇيزەلىستەن قۇتىلۋ ءۇشىن ءجۇرىستى تۇزەۋ كەرەك - عىلىمي زەرتتەۋ
ماسەلەن، كوڭىلسىز، ۇنجىرعاسى ءتۇسىپ جۇرەتىن ادامدار كوبىنە سىلبىر، يىعى سالبىراپ جۇرەدى.
ال، باقىتتى ادامدار ەڭسەلەرى كوتەرىڭكى جۇرەدى، دەپ جازادى «روسبالت».
وسى ماسەلەگە بايلانىستى، كانادا ينستيتۋتىنىڭ عالىمدارى جاڭا زەرتتەۋ ناتيجەلەرىن ۇسىنىپ وتىر. ولاردىڭ ايتۋىنشا، ەگەر ءجۇرىسىڭدى وزگەرتسەڭ، كوڭىل-كۇيىڭ دە جاقسارا تۇسەدى.
وسىعان دەيىن عالىمدار كۇيزەلىپ جۇرەتىن ادامدار باقىتتى ادامدارداي ءجۇرىپ-تۇرمايتىنىن انىقتاعان بولاتىن.
ال، جاڭا زەرتتەۋدە عالىمدار سىناققا قاتىسۋشىلارعا ەرەكشە تاجىريبە جۇرگىزگەن. ولارعا جاعىمدى جانە جاعىمسىز سوزدەردى تاڭداتىپ، جۇگىرۋ جولاعىمەن ەرسىلى-قارسىلى جۇرگىزگەن. عالىمدار ولاردىڭ قوزعالىستارى مەن سىرتقى كەيپىنە باعا بەرگەن.
تاجىريبە جۇرگىزۋ كەزىندە جۇرىستەرى باسەڭ بولعاندار تەرىس سوزدەردى كوپ ەسكە تۇسىرەتىنى انىقتالىپ، ولاردىڭ ءجۇرىسى كوڭىل-كۇيىنە اسەر ەتكەنى انىقتالعان.
وسىعان دەيىنگى زەرتتەۋلەر كۇيزەلىسكە ۇشىراعان ادامداردىڭ ءوز ءومىرىن ەسكە تۇسىرەتىن جاعىمسىز وقيعالارى ءپوزيتيۆتى ادامدارعا قاراعاندا كوبىرەك ەكەنىن كورسەتكەن بولاتىن.