+7 (701) 759 90 19
-22 °С : نۇر-سۇلتان
-3 °С : الماتى
USD 422.87 EUR 512.1
RUB 5.63 CNY 64.49
جاڭالىقتار

ەكى جىل ات جالىندا ساقتالعان حات

13 قازان 08:22
:ءبولىسۋ
ەكى جىل ات جالىندا ساقتالعان حات

نۇر-سۇلتان. قازاقپارات - ەرتەرەكتە ءبىزدىڭ ەل شىلدەنىڭ مي قايناتار ىستىعىندا شىبىن- شىركەي اتاۋلى بولمايتىن اتاقتى ساندىقتاس جايلاۋىن جايلايدى ەكەن.

جاز شىعا بۇل جايلاۋعا ۇلاندىقتاردان باسقا سامار مەن جارما، ءبىر شەتى كوكپەكتى اۋداندارىنىڭ حالقى دا مالدارىن شىعاراتىن كورىنەدى. ءتىپتى، قازاقتار «ىشكى جاق» اتاپ كەتكەن ەرتىستىڭ ارعى بەتىندەگى ورىس اعايىندار دا مالدارىن جاز مەزگىلىندە ساندىقتاستا سەمىرتىپ ءجۇرىپتى.

ءبىر جىلى ەل جايلاۋدان ءتۇسىپ جاتقاندا ورىستار اتام امىرەگە ەگىزدىڭ سىڭارىنداي ەكى جيرەن قاسقا تايدى ساتىپ كەتەدى. ونىڭ ءبىرىن مەنىڭ اكەم قۇرمانتايعا، ەكىنشىسىن ۇلكەن ۇلى عادىلعۇمارعا ارناپتى. بىرەر جىلدان كەيىن ەكەۋى دە كورەر كوزگە سۇلۋ ءمۇسىندى، اسا ءجۇرىستى ات بولىپ شىعادى. الايدا، اكەمنىڭ قاسقاسىن بەستى شىعارىندا قاسقىر جارىپ كەتەدى. ال اعاسىنىڭ جيرەن قاسقاسى ەل ىشىندە «عادىلدىڭ جەزكيىگى» اتانىپ، اتاعى اسپانداعان شىققان سايگۇلىككە اينالادى.

حالىق جاۋلارىن اشكەرەلەۋ ناۋقانى ءجۇرىپ جاتقان كۇندەردىڭ بىرىندە وسى اتقا اتامنىڭ ادۆوكات بولىپ جۇمىس ىستەيتىن اتالاس ءىنىسى قادي قولقا سالىپتى. «زاماننىڭ بەتى جامان، مەنىڭ باسىما دا كۇن تۋايىن دەپ تۇر. بۇگىن بولماسا، ەرتەڭ ۇستايتىن شىعار. باس ساۋعالاۋىم كەرەك. مەنى جەزكيىكتەن باسقا ءبىر ءتۇن ىشىندە سەمەيگە تۇسىرە الاتىنداي قىل قۇيرىق جوق. ماعان عادىلعۇماردىڭ وسى اتىن قيىڭىز. سەمەيگە جەتكەن سوڭ تىزگىنىن ءتۇرىپ، قويا بەرەمىن. جەزكيىك ەكەنى راس بولسا، جان بالاسىنا ۇستاتپاستان اۋىلعا جەتەر. ال الدا- جالدا قولدى بولىپ كەتسە، قۇنى موينىمدا، جەر باسىپ ءتىرى جۇرسەم وتەيمىن» دەپتى.

اتام مارقۇم قانشاما مالجاندى بولسا دا، تۋىسىنىڭ ءسوزىن جەرگە تاستاماعان. بۇل كەزدە ات يەسى كۇرشىمنىڭ «التايزولوتو» بىرلەستىگىنە قاراستى ماراليحا اۋىلىنداعى ورتا مەكتەپتە ديرەكتور بولىپ ىستەپ ءجۇرىپتى.

- جەزكيىك سول كەتكەننەن ورالمادى، قاديدەن دە حابار- وشار بولمادى. ارادا ەكى جىلعا جۋىق ۋاقىت ءوتىپ كەتكەن. قار ءبىر جاۋىپ قالعان كەز ەدى. ءبىر كۇنى تاڭعا جۋىق جىلقىنىڭ كىسىنەگەن داۋىسىنان ويانىپ كەتتىم. مىناۋ جەزكيىك بولماعاي دەگەن ويمەن دالاعا قالاي اتىپ شىققانىمدى بىلمەي قالدىم. ەسىكتىڭ الدىندا باسى سالبىراپ كەتكەن جەزكيىكتى كورگەندە كوزىمنەن اققان جاسقا يە بولا المادىم. ابدەن ارىقتاعان، ەستى جانۋاردى ءبىر ايداي قورادان شىعارماي كۇتتىم. ءبىر كۇنى ۇيىسقان جالىن تاراپ تۇرسام، قولىما شىناشاقتىڭ ۇلكەندىگىندەي ءبىر زاتتىڭ ىلىنگەنى. قالىڭ جالدىڭ ەڭ تۇبىنە شاندىپ بايلانعان تۇيىنشەكتى ارەڭ شەشىپ الدىم. بۇرىن- سوڭدى كورمەگەن ماتا سياقتى وراۋىشتى اشقانىمدا ىشىنەن شيىرشىقتالعان حات شىقتى. ارابشا جازىلىپتى، قولىم قالتىراي وقىپ شىقتىم. «كەرەكۋدەن جىبەردىم، ءوزىم ودان ءارى كەتەمىن» دەگەن ەكى- ءۇش اۋىز سوزدەن ءبارىن ءتۇسىندىم. ال وسى ەكى جىلدىڭ ىشىندە جەزكيىكتىڭ قايدا جۇرگەنىنە، سوناۋ جەردىڭ تۇبىنەن اۋىلدى قالاي تاۋىپ كەلگەنىنە، سودان سوڭ اناۋ حاتتىڭ وسىنشاما ۋاقىت بۇلىنبەي قالاي ساقتالعانىنا ءومىر بويى تاڭدانۋمەن كەلەمىن، - دەپ وتىرۋشى ەدى اتام.

كەيىن جەزكيىكتى اتامنىڭ قولىنان اۋدانداعى اپەرباقان باستىقتاردىڭ ءبىرى زورلىقپەن تارتىپ الىپتى، سودان كورىنگەننىڭ تاقىمىندا جۇرگەندىكتەن تەكتى جانۋار زورىعىپ ولگەن ەكەن.

اۆتور: مۇرات امىرەنوۆ، وسكەمەن

«الاش ايناسى»



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات