ايتىس اقىندارىنىڭ قىزىقتى قاعىتپالارى

نۇر-سۇلتان. قازاقپارات - ماڭعىستاۋلىق اتاقتى اقىن نۇرلان مۇسايەۆ جولدا توقتاتقان ماي قىزمەتكەرىنە توقتاماي ءوتىپ كەتەدى. ارتىنان قۋا تۇسكەن جول ساقشىلارى قۋالاپ ءجۇرىپ توقتاتىپ: - نەگە توقتامايسىز، - دەپتى. سوندا اقىن: - ۇيالى تەلەفوننىڭ بايلانىس ۇستايتىن جەرىن ىزدەپ ءجۇردىم، - دەگەن ەكەن.

بىردە اتاقتى اقىن بالعىنبەك يماشيەۆ:

- تۋۋ، مىسىرعا تاعى دا بارعىم كەلىپ وتىرعانىن قاراشى، - دەپتى. سوندا قاسىندا وتىرعاندار:

- اۋ، باكە، مىسىرعا بۇرىندارى دا بارىپ كەلىپپە ەدىڭ، - دەپتى تاڭىرقاپ. سوندا بايسالدى قالپىنان تانباعان باكەڭ:

- جوعا، وتكەندەدە ءبىر قاتتى بارعىم كەلىپ كەتكەن، - دەپتى.

** ** ** **

بالعىنبەك وزىنە جاقىن، جاقسى كورەتىن ءبىر ىنىسىنە:

- اينالايىن- اۋ تىستەرىڭ قاتتى قيسىق ەكەن. ءوزىڭ ءبىر كوڭىلدى، كۇلەكەش بالاسىڭ. كۇلگەن كەزىڭدە تىپتە جامان بولىپ كورىنەدى ەكەن. وسىنى ءبىر جوندەتسەڭشى، - دەپتى. سوندا الگى ءىنىسى اعاسىنا ەركەلەي:

- وي، بالعىن اعا، وسى ءتىستى جوندەتكىم اق كەلەدى. الايدا وعان اقشا جوق، - دەپتى كوڭىلدەنە. سوندا بالعىنبەك:

- اقشاڭ جوق بولسا كۇلمە، - دەگەن ەكەن.

** ** ** **

اقىن ەرجەڭىس ابديەۆ پەن مۇحتار نيازوۆ استاناعا بارىپتى. ونى كۇتىپ العان دوستارى نۇرمات مانسۇروۆ قۇشاق جايا قارسى الىپ، ءوز كولىگىنە وتىرعىزعان بويدا قالانىڭ ءىشىن ارالاتىپتى. ءبىر كەزدە تەكسەرۋ جۇرگىزىپ جاتقان ماي قىزمەتكەرلەرى بۇلاردى توقتاتادى. كولىگىنەن تۇسكەن نۇرمات نە ءۇشىن توقتاتقانىن سۇرايدى. ال، ماي قىزمەتكەرى بولسا اردەڭەنى سىلتاۋراتىپ تۇرادى دا، قۇجاتىنداعى جاسىنا كوزى ءتۇسىپ كەتەدى:

- ءسىز، 1987 - جىلعى ەكەنسىز عوي. مەن ءسىزدى ءبىر 77 - جىلعى ما، 78 - جىلعى ما دەپ تۇرسام، - دەپتى تاڭىرقاپ. سوندا قۋ ءتىلدى مۇحتار:

- كوردىڭىز با، ءسىز توقتاتقاننان بەرى ون جىلعا قارتايىپ كەتتى، - دەپتى شىمشىمالىپ. بۇلاردىڭ ازىلىنە ريزا بولعان ماي قىزمەتكەرلەرى بۇلاردى جىبەرە سالىپتى.

** ** ** **

مۇحتار نيازوۆ سىر ەلىندە ءبىر جەردە كەلىننىڭ بەتىن اشىپ جاتىپتى. سوندا ولىلەرگە ءبىر سالەم دەگەن كەزىندە ءۇي يەسى ءارۋاقتارعا دەپ كوستيۋم شالبار سالىپتى. سوندا مۇحتار:

- دۇنيەدەن ەرتەرەك كوشكەن شالدار،

ءاي، سوندادا كەتپەي جاتىر ەستەن شالدار.

بۇل اۋلەتتىڭ شالدارى نەتكەن مىقتى،

ولسە دە كيىپ جاتىر كوستيۋم شالبار، - دەپ جىرىن ءورىپ كەتە بارىپتى.

** ** ** **

تاعى ءبىر بەتاشاردا مۇحتار اقىن كەلىننىڭ بەتىن ءبىر اجەيگە اشىڭىز دەيدى. سوندا 50 جاسى اسقان ەنەسى كەلىپ اشادى. سوندا مۇحتار كوپشىلىككە قاراپ:

- اعايىن كەلىندەرىڭىز ءوزىنىڭ 50 جىلدان كەيىن قانداي بولاتىنىن، ەنەسى وسىدان 50 جىل بۇرىن قانداي بولعانىن كورىپ تۇر، - دەپتى.

** ** ** **

نۇرمات مانسۇروۆ ءبىر اعالارىنىڭ كونتسەرتىن ۇيىمداستىرىپتى. اياق استىنان بولىپ قالعان كونتسەرتتىڭ بيلەتتەرى تەز ءوتىپ كەتەدى. ءبىراق قولىندا ەلۋ شاقتى بيلەت قالادى. كەش بولسا باستالعالى تۇر. سوندا جاقىن جەردەگى ءبىر مەكەمە باسشىسى، جاقىن اعاسىن كەشكە شاقىرا بارادى دا:

- اعا، كونسەرتكە كەلىڭىز. ءسىز بەن جەڭگەم ەكەۋىڭىزگە ءبىر بيلەت جەتەدى عوي. ءبىراق.. .. مىناداي ءبىر اڭگىمە بار، باياعىدا ءبىر قاسقىر ءبىر بايدىڭ مالىن قىرىپ كەتە بەرىپتى. سوندا باي قاسقىردى ۇستاتىپ الدىرادى دا:

- قاسقىر ساعان جۇما سايىن ءبىر ۇلكەن قوشقار سويىپ بەرەيىن. ءبىراق مالىمدى رەتسىز قىرماشى، - دەپتى. سوندا قاسقىر:

- جوق، - دەپتى.

- ەكى كۇندە بىرەۋىن بەرەيىن

- جوق

- ەندەشە كۇندە ءبىر قوي سويىپ بەرەيىن.

- جوق. -، دەپتى قاسقىر. سوندا باي:

- قاسقىر- اۋ ساعان وندا نە كەرەك، - دەپتى رەنجىپ. قاسقىر:

- ماعان قىرىپ كەتتى دەگەن اتاق كەرەك، - دەپتى دەي بەرگەندە الگى باسشى:

- جوق، قاسقىر ول جەر «ماعان ابىروي كەرەك، ابىروي» دەپ ءتوسىن قاقپاي ما، - دەيدى قارقىلداي كۇلىپ. سوندا وسىنى اڭدىپ وتىرعان نۇرمات:

- ءيا، اعا ەندى ءسىزدىڭ ابرويىڭىز قانشا بيلەت، دەپتى. سوندا ءوز سوزىنەن ۇستالعان باسشى:

- قاپ، مەن ءبىر ون بيلەت دەيىن دەپ وتىر ەدىم. ونى ابرويىم دەپ قالاي ايتام. بارلىق بيلەتىڭدى تاستاپ كەت، - دەگەن ەكەن.

** ** ** **

ۇلكەن جىلدامدىققا تيىم سالىنعان جەردە ساعاتىنا 130 شاقىرىم جىلدامدىقپەن كەلە جاتقان نۇرلان مۇسايەۆتى توقتاتقان ماي قىزمەتكەرى:

- جىلدامدىقتى نەگە شامادان اسىرىپ كەلە جاتىرسىز، - دەپتى. سوندا نۇرلان:

- مەن ەمەس عوي، - دەيدى.

- اۋ، ءسىز رۋلدە وتىرسىز عوي.

- ءيا، تەك باسقا جاققا بۇرىلىپ كەتپەسىن دەپ وتىرمىن، - دەگەن ەكەن.

** ** ** **

سول نۇرلان ءبىر تانىسىنىڭ جاپ- جاڭا كولىگىنە وتىرىپ جاتىپ ەسىگىن قاتتى جاۋىپ قالادى. سوندا كولىك ەگەسى رەنجىپ:

- جاي جاپساڭىزشى. نەمەنە ۇيىڭىزدە مۇزداتقىشتىڭ ەسىگەن جاۋىپ كورگەن جوقسىز با؟ - ، دەپتى. ازىلگە جاقىن جاقىن نۇرلان سالعان جەردەن:

- جاۋىپ ءجۇرمىن عوي. ءبىراق ىشىنەن جاۋىپ كورمەپپىن، - دەگەن ەكەن.

** ** ** **

ءبىر ەلدە ءوزى الاڭعاسار بولسا دا قۋتىلدىلەۋ جىگىت بولعان ەكەن. سول جىگىت ءبىر كۇنى اتپەن كەلە جاتسا، اتى ۇركىپ كەتىپ، جەرگە وماقاسا قۇلاپ ءتۇسىپتى. الاڭ- جالاڭ ەتىپ ورنىنان ۇشىپ تۇرەگەلگەن ول «اتاڭا نالەتتتىڭ اتى، بولماستان ۇركىپ» دەپ اشۋلانىپتى دا، جان جاعىنا قاراپ، ەشكىمنىڭ جوق ەكەنىن بىلگەن سوڭ «وزىمە دە سول كەرەك» دەپ قولىن قاعىپ كەتىپ بارا جاتىر دەيدى.

دايىنداعىن ساكەن الداشبايەۆ

«Kazaitys.kz»