22 قىركۇيەك 15:42

قازاقتىڭ اڭىز- ءاپساناسى. دارىلىك، اتىرلىك شوپتەردىڭ پايدا بولۋى

استانا.قازاقپارات - جۇماقتان قۋىلىپ، ادام اتا ءۇندىستانداعى سارانديب تاۋىنا، ال حاۋا انا ءجيددا تاۋىنا تۇسەدى.

ەكەۋى ەكى جاقتا اللادان كەشىرىم سۇراپ جىلايدى. پەرىشتەلەر ولاردى جۇباتا الماي قينالادى. سول كەزدە اللا تاعالا:

- جىلاي بەرسىن، جۇباتپاڭدار. ولاردىڭ كوز جاسى مەنىڭ راحمەتىم، - دەيدى.

ادام اتانىڭ كوز جاسى تامعان جەردەن: جالبىز، ادىراسپان، يتمۇرىن، دەرمەنە، شايقۋراي، تاڭقۋراي، ميا، كيىكوتى سياقتى مىڭداعان دارىلىك شوپتەر ءوسىپ شىعادى. حاۋا انانىڭ كوز جاسىنان: قالامپىر، وسپا، قىنا، ءسۇمبىل سياقتى مىڭداعان اتىرلىك شوپتەر مەن حوش ءيىستى گۇلدەر ءوسىپتى. ەكەۋىنىڭ تەڭىزگە تامعان جاستارىنان ءىنجۋ، مارجان، دۇرلەر پايدا بولادى.

ادام اتا مەن حاۋا انانىڭ قابىل مەن ءابىل دەگەن بالاسى بولادى. قابىل قىزعانىشتان ءابىلدى تاسپەن ۇرىپ ولتىرەدى. ءابىلدىڭ قانى تامعان جەردەن اق تىكەن مەن بۇتا ءوسىپتى.

«الديدەن ەپوسقا دەيىن» كىتابىنان.

جاڭالىقتار