ياساۋي كەسەنەسىنە قازاقتىڭ قانداي تۇلعالارى جەرلەنگەن؟

نۇر-سۇلتان. قازاقپارات- V- Ⅵ عاسىرلاردا ىرگەتاسى قالانعان تۇركىستان قالاسىنىڭ تاريحى ەسىم حاننىڭ بيلىككە كەلۋىنەن باستاۋ الادى. بۇل قالا XІV-ХVIIІ عاسىرلار اراسىندا قازاق حاندىعىنىڭ استاناسى بولدى.

سوندىقتان دا ⅩⅣ عاسىردا اقساق تەمىردىڭ باستاماسىمەن ىرگەتاسىن قالاعان قوجا احمەت ياساۋي كەسەنەسىندە كوپتەگەن ارىستارىمىز جەرلەنگەن.

ماسەلەن، كەسەنە اۋماعىندا قاز داۋىستى قازىبەك بي، ابىلاي حان، ەسىم حان، حاقنازار حان، تاۋكە حان، قانجىعالى قارت بوگەنباي باتىر سەكىلدى حاندار، بيلەر جانە باتىرلاردىڭ مۇردەسى جاتىر. قازىرگى تاريحشىلار جالپى تۇركىستان قالاسىنىڭ ىرگەتاسى ءبىزدىڭ زامانىمىزدىڭ 1 مىڭجىلدىعىنىڭ باس كەزىندە قالانعانىن ايتادى. ويتكەنى بۇل قالانىڭ اينالاسىندا تاس ءداۋىرى ەسكەرتكىشتەرى وتە كوپ. ول جادىگەرلەر بۇل وڭىردە اۋەلگى ادام كەم دەگەندە 550 مىڭ جىل بۇرىن مەكەن ەتكەنىن كورسەتەدى. دەمەك، بۇل قالادان ءبىزدىڭ بەرگى تاريحىمىزدى بىلاي قويىپ، ارعى تاريحىمىزعا قاجەتتى جادىگەرلەر كوپتەپ تابىلۋى ابدەن مۇمكىن.